Adipurush: సినిమా విడుదల సమయానికి ప్రభాస్ ఎక్కడుంటాడు అంటే...
ABN , First Publish Date - 2023-06-12T17:53:39+05:30 IST
'ఆదిపురుష్' సినిమాకి తన శాయశక్తులా ప్రచారాన్ని నిర్వహించిన ప్రభాస్, ఆ సినిమా విడుదల సమయానికి ఎక్కడ ఉంటాడో తెలుసా? ఓం రౌత్ దర్శకత్వం వహించి, రామాయణం ఆధారంగా తీసిన ఈ పౌరాణిక సినిమా ఈ వారం జూన్ 16 న విడుదల అవుతోంది. కృతి సనాన్ సీతగా వేస్తోంది.
దేశం అంతా మారుమోగుతున్న ప్రభాస్ (Prabhas), కృతి సనన్ (KritiSanon) నటించిన 'ఆదిపురుష్' #Adipurush సినిమా ఈ వారం విడుదల అవుతోంది. గత వారం జూన్ 6వ తేదీన తిరుపతిలో (Tirupati) ఈ సినిమాకి సంబంధించి ఒక ప్రీ రిలీజ్ వేడుక చేశారు. ఇదే చివరి ప్రచార వేడుక అని చెప్పారు అప్పుడు. మరి ఈ సినిమా జూన్ 16 న #AdipurushOnJune16 విడుదల అయినప్పుడు ప్రభాస్ ఎక్కడుంటాడు అని అతని అభిమానులకి చాలా ఆసక్తికరంగా వుంది అని తెలుస్తోంది. అయితే తిరుపతి లో ఆ వేడుక అయిపోగానే ప్రభాస్ విదేశాలకు వెళ్లినట్టుగా తెలిసింది.
ప్రభాస్ 'ఆదిపురుష్' #Adipurush సినిమా విడుదలకి ఇండియాలో వుండడు అని అతని టీము చెపుతోంది. ప్రభాస్ ఆల్రెడీ ఇండియా విడిచి పెట్టి అమెరికా వెళ్ళిపోయాడు అని, అక్కడే సినిమా చూడొచ్చు అని చెపుతున్నారు. ఈ సినిమాకి ఇప్పటికే చాలా హైప్ వచ్చింది. ఓం రౌత్ (OmRaut) దర్శకత్వం చేసిన ఈ పౌరాణిక సినిమాకి చాలామంది ప్రచారం చేస్తున్నారు. ఇందులో రాముడిగా ప్రభాస్, సీత గా కృతి సనన్ వెయ్యగా, రావణాసురిడిగా సైఫ్ అలీ ఖాన్ (SaiAliKhan) కనపడనున్నాడు.
ఇది మోషన్ కేప్చర్, మామూలు సినిమా ఇలా అన్నీ వుంటాయని తెలుస్తోంది. అలాగే ఈ సినిమాని 3డి లో కూడా విడుదల చేస్తున్నారు. ఈ సినిమా విడుదల అయినా అన్ని థియేటర్స్ లో హనుమంతుని కోసం ఒక సీట్ ఖాళీగా పెట్టాలని కూడా నిర్ణయించారు. రామాయణం ఎక్కడ చదివిన, చూపించిన స్వామి హనుమ వచ్చి వింటారని ఒక నానుడి. అందువల్ల ఒక కుర్చీ అయన కోసం వదిలేస్తున్నారు. అది ఒక టాకింగ్ పాయింట్ గా కూడా మారింది.