Vishwak Sen: మాస్‌ కా దాస్‌ .. ఫన్‌ ఫుల్‌ ఎంటర్‌టైనర్‌!

విశ్వక్‌సేన్‌ (Vishwak sen) కథానాయకుడిగా నూతన దర్శకుడు రవితేజ ముళ్లపూడి (Raviteja mullapudi) దర్శకత్వంలో ఓ చిత్రం తెరకెక్కుతున్న సంగతి తెలిసిందే! ఎస్‌ఆర్‌టి ఎంటర్‌టైన్‌మెంట్స్‌ బ్యానర్‌పై రామ్‌ తాళ్లూరి (Ram thalluri) నిర్మిస్తున్నారు. మీనాక్షి చౌదరి (meenakshi CHoudary) కథానాయికగా నటిస్తోంది. ప్రస్తుతం తొలి షెడ్యూల్‌ షూటింగ్‌ పూర్తి అయింది. త్వరలో టైటిల్‌, ఫస్ట్‌ లుక్‌ విడుదల చేయడానికి సన్నాహాలు చేస్తున్నారు. నిర్మాత మాట్లాడుతూ ‘‘ఫన్‌ ఫుల్‌ ఎంటర్‌టైనర్‌గా రూపొందుతున్న చిత్రమిది. ఇటీవల మొదటి షెడ్యూల్‌ షూటింగ్‌ పూర్తయింది. ప్రధాన తారాగణం అంతా పాల్గొనగా కీలక సన్నివేశాలను తెరకెక్కించాం. త్వరలో తదుపరి షెడ్యూల్‌ ప్రారంభిస్తాం. ఫస్ట్‌ లిరికల్‌ సాంగ్‌ కూడా రెడీ అవుతోంది. మంచి చిత్రం అవుతుంది’’ అని అన్నారు. ఈ చిత్రానికి కెమెరా: మనోజ్‌ కాటసాని, ఎడిటర్‌: అన్వర్‌ అలీ. సంగీతం: జేక్స్‌ బిజోయ్‌.