VNRTrio: ఫన్నీ వీడియో‌తో క్రేజీ కాంబో అనౌన్స్‌మెంట్
ABN , First Publish Date - 2023-03-22T18:07:44+05:30 IST
హిట్ కాంబినేషన్‌కు ఉండే క్రేజే వేరు. ఆ కాంబినేషన్ నుంచి సినిమా వస్తుందంటే చాలు అభిమానులు ఆసక్తిగా ఎదురు చూస్తుంటారు. ట్రేడ్ వర్గాల్లోను భారీగా బిజినెస్ జరుగుతుంది.
హిట్ కాంబినేషన్‌కు ఉండే క్రేజే వేరు. ఆ కాంబినేషన్ నుంచి సినిమా వస్తుందంటే చాలు అభిమానులు ఆసక్తిగా ఎదురు చూస్తుంటారు. ట్రేడ్ వర్గాల్లోను భారీగా బిజినెస్ జరుగుతుంది. అటువంటి కాంబినేషనే నితిన్ (Nithiin), రష్మిక మందన్నా (Rashmika Mandanna), వెంకీ కుడుముల (Venky Kudumula). ఈ ముగ్గురు కలసి గతంలో ‘భీష్మ’ (Bheeshma)కు పనిచేశారు. తాజాగా మరోసారి కలసి పనిచేయబోతున్నారు. అందుకు సంబంధించిన అధికారిక ప్రకటన వచ్చేసింది. ఉగాది సందర్భంగా మేకర్స్ ఓ వీడియోను విడుదల చేశారు. ఈ సినిమాను టాలీవుడ్ బడా ప్రొడక్షన్ హౌస్ మైత్రీ మూవీ మేకర్స్ నిర్మించనుంది.
సినిమా ప్రకటనను వెలువరిస్తూ మైత్రీ మూవీ మేకర్స్ ఓ వీడియోను విడుదల చేసింది. ఈ వీడియో దాదాపుగా 3.55నిమిషాల పాటు ఉంది. సరదాగా సాగిపొయింది. ‘ఎవరి మనోభావాలను మేం దెబ్బతీయట్లేదు. మా మనోభావాలను మేమే దెబ్బతీసుకుంటున్నాం’ అనే హెచ్చరికతో వీడియో ప్రారంభమైంది. రష్మిక ఈ మధ్య ఎక్కువగా వివాదాల్లో చిక్కుకుంటుండంతో ఆ విషయాన్ని కూడా ప్రస్తావించారు. ‘‘నేను ఒక మాట మాట్లాడితే రెండు, మూడు వివాదాలు తలెత్తుతున్నాయి’’ అని రష్మిక చెబుతుంది. అందుకు నితిన్ కౌంటరిస్తూ..‘‘అది చాలా బెటర్. నేను ఒక్క హిట్ ఇస్తే రెండు, మూడు సినిమాలు ప్లాఫ్ అవుతున్నాయి’’ అని చెబుతాడు. వెంకీ కుడుముల కూడా స్క్రిఫ్ట్ బాగా వచ్చిందని.. రాయడానికి మూడేళ్లు పట్టిందని పేర్కొన్నాడు. తన గత సినిమాలు ‘ఛలో’, ‘భీష్మ’ లను మించి ఉంటుందని స్పష్టం చేశాడు. టైటిల్‌తో పాటు మరిన్ని విషయాలను త్వరలోనే తెలుపుతామన్నారు. ఈ ప్రాజెక్టుకు జీవీ. ప్రకాష్ కుమార్ సంగీతం అందిస్తున్నాడు. ఎడిటర్‌గా ప్రవీణ్ పూడి, సినిమాటోగ్రాఫర్‌గా సాయి శ్రీరామ్ బాధ్యతలు నిర్వహిస్తున్నారు.
వెంకీ కుడుముల గతంలో మెగాస్టార్ చిరంజీవికీ ఓ కథను వినిపించాడు. కొంత కాలం స్క్రిఫ్ట్‌పై పనిచేశాడు. ఏమైందో తెలియదు కానీ అనివార్య కారణాల వల్ల ఈ ప్రాజెక్టు ఆగిపోయింది. తాజాగా నితిన్ ప్రాజెక్టును పట్టాలెక్కించనున్నాడు.
^^^^^^^^^^^^^^^^^^^^^
ఇవి కూడా చదవండి:
Mrunal Thakur: నా కథను ప్రపంచానికి చెబుతా.. కన్నీరు కారుస్తున్న ఫొటోను షేర్ చేసిన మృణాల్..
Thalaivi: వివాదంలో కంగన సినిమా.. కోర్టును ఆశ్రయించనున్న డిస్ట్రిబ్యూటర్..
Suriya: ముంబైలో లగ్జరీ ఫ్లాట్ కొనుగోలు చేసిన సూర్య.. ధర వింటే షాకే..
Naatu Naatu: పాటపై సంచలన కామెంట్స్ చేసిన కీరవాణి తండ్రి శివశక్తి దత్తా
Oscars 2023: షాక్.. ఆస్కార్ వేడుకకు ఫ్రీ పాస్‌లు లేకపోవడంతో.. ‘ఆర్ఆర్ఆర్’ టీమ్ భారీ ఖర్చు..
RRR: రామ్ చరణ్, తారక్ అందువల్లే ఆస్కార్ స్టేజ్‌పై డ్యాన్స్ చేయలేదు!
Allu Arjun: హీరోయిన్‌ను సోషల్ మీడియాలో బ్లాక్ చేసిన బన్నీ!
Pawan Kalyan: నా రెమ్యునరేషన్ రోజుకు రెండు కోట్లు