Vanga Sandeep reddy : అవకాశం వస్తే మాస్‌ యాక్షన్ సినిమా చేస్తా!
ABN , First Publish Date - 2023-12-09T17:50:59+05:30 IST
'యానిమల్‌’ చిత్రంతో బాలీవుడ్‌లో మరో సక్సెస్‌ అందుకున్నారు దర్శకుడు సందీప్ రెడ్డి వంగా. ప్రస్తుతం ఈ చిత్రం బాక్సాఫీస్‌ వద్ద మంచి వసూళ్లు రాబడుతోంది. ఓవర్సీస్‌లోనూ ప్రేక్షకులు బ్రహ్మరథం పట్టారు. అందుకే సక్సెస్‌ టూర్‌లో భాగంగా ఆయన యూఎస్‌ పర్యటనకు వెళ్లారు.
'యానిమల్‌’ (Animal) చిత్రంతో బాలీవుడ్‌లో మరో సక్సెస్‌ అందుకున్నారు దర్శకుడు సందీప్ రెడ్డి వంగా. ప్రస్తుతం ఈ చిత్రం బాక్సాఫీస్‌ వద్ద మంచి వసూళ్లు రాబడుతోంది. ఓవర్సీస్‌లోనూ ప్రేక్షకులు బ్రహ్మరథం పట్టారు. అందుకే సక్సెస్‌ టూర్‌లో భాగంగా ఆయన యూఎస్‌ పర్యటనకు వెళ్లారు. అక్కడి మూవీ లవర్స్‌ను కలిసి కాసేపు ముచ్చటించారు. ఈ సందర్భంగా తన మనసులో మాటను బయటపెట్టారు. చిరంజీవితో (Chiranjeevi)కలిసి వర్క్‌ చేయాలనుందని తెలిపారు.అవకాశం వస్తే తప్పకుండా చిరంజీవితో యాక్షన్ డ్రామా చేస్తానని వెల్లడించారు.
అనంతరం యూఎస్‌లోని ఆడియన్స్ గురించి కీలక వ్యాఖ్యలు చేశారు. ‘‘ఇప్పటి వరకూ జరిగిన చర్చా కార్యక్రమంలో నాకు నచ్చిన విషయం ఏమిటంటే.. సినిమాకు సంబంధించి ఎన్నో విషయాల గురించి నన్ను అడిగారు. నా ఇష్టాయిష్టాలను అడిగి తెలుసుకున్నారు. కానీ, స్త్రీ ద్వేషంపై ఒక్కరు కూడా నన్ను ప్రశ్నించలేదు. ఎందుకంటే, ఇక్కడ ఉన్న వాళ్లందరూ సినిమాని సినిమాలాగే చూశారు. అందుకు నేను సంతోషంగా ఉన్నా’’ అని అన్నారు. తెలుగులో అర్జున్ రెడ్డి , బాలీవుడ్‌లో కబీర్‌సింగ్‌ తర్వాత సందీప్ రెడ్డి వంగా దర్శకత్వం వహించిన చిత్రమిదే ,. రణ్‌బీర్‌ కపూర్‌, రష్మిక మందన్నా అనిల్‌కపూర్‌, బాబీ దేవోల్‌ కీలక పాత్రలు పోషించారు. ఈ చిత్రానికి సీక్వెల్‌గా ‘యానిమల్‌ పార్క్‌’ను తీసుకురానున్నట్లు చిత్రబృందం ఇప్పటికే ప్రకటించింది.