SS.Rajamouli: ‘దసరా’ ను ప్రశంసించిన రాజమౌళి.. ఆస్కార్ వచ్చిందంటున్న నాని..?
ABN , First Publish Date - 2023-04-03T18:54:20+05:30 IST
టాలీవుడ్ స్టార్ నాని (Nani) హీరోగా నటించిన సినిమా ‘దసరా’ (Dasara). కీర్తి సురేశ్ (Keerthy Suresh) హీరోయిన్‌గా కనిపించారు. దీక్షిత్ శెట్టి కీలక పాత్రను పోషించారు. పాన్ ఇండియాగా తెరకెక్కిన ఈ చిత్రం ప్రపంచవ్యాప్తంగా మార్చి 30న విడుదలైంది.
టాలీవుడ్ స్టార్ నాని (Nani) హీరోగా నటించిన సినిమా ‘దసరా’ (Dasara). కీర్తి సురేశ్ (Keerthy Suresh) హీరోయిన్‌గా కనిపించారు. దీక్షిత్ శెట్టి కీలక పాత్రను పోషించారు. పాన్ ఇండియాగా తెరకెక్కిన ఈ చిత్రం ప్రపంచవ్యాప్తంగా మార్చి 30న విడుదలైంది. ఫస్ట్ డే ఫస్ట్ షో నుంచే హిట్ టాక్‌‌ను సొంతం చేసుకుంది. బాక్సాఫీస్ వద్ద భారీ స్థాయి వసూళ్లను రాబడుతుంది. ఇప్పటికే నైజాం, ఓవర్సీస్ ఏరియాల్లోని డిస్ట్రిబ్యూటర్స్ లాభాల బాట పట్టారు. ఈ సినిమాపై సెలబ్రిటీలు ఒక్కొక్కరిగా ప్రశంసల వర్షం కురిపిస్తున్నారు. ఇప్పటికే మహేశ్ బాబు, ప్రభాస్ ఈ చిత్రాన్ని పొగిడారు. తాజాగా ఈ జాబితాలోకి టాప్ డైరెక్టర్ ఎస్‌ఎస్. రాజమౌళి (SS.Rajamouli) చేరారు. నాని కెరీర్ బెస్ట్ అభినయాన్ని ప్రదర్శించారని చెప్పారు.
‘‘బొగ్గు గనుల వాతావరణం, కఠినమైన పాత్రల మధ్య డైరెక్టర్ శ్రీకాంత్ ఓదెల (Srikanth Odela) ప్రేమ కథను అద్భుతంగా ఆవిష్కరించారు. నాని కెరీర్ లోనే అద్భుతమైన అభినయాన్ని ప్రదర్శించారు. కీర్తి సురేశ్ తన పాత్రను సునాయాసంగా పోషించారు. సినిమాలోని నటులందరిని ప్రశంసించాలి. సినిమాటోగ్రఫీ అద్భుతంగా ఉంది. బ్యాక్ గ్రౌండ్ మ్యూజిక్ గురించి ప్రత్యేకంగా చెప్పుకోవాలి. అద్భుతమైన విజయాన్ని అందుకున్నందుకు ‘దసరా’ టీమ్‌కు నా హృదయ పూర్వక అభినందనలు’’ అని రాజమౌళి తెలిపారు. జక్కన్న ట్వీట్‌కు నాని రిప్లై ఇచ్చారు. ‘‘మీ ప్రశంసే మా టీమ్‌కు ఆస్కార్’’ అని నాని తెలిపారు. అంతకు ముందే రెబల్ స్టార్ ప్రభాస్, మహేశ్ బాబు ఈ చిత్రాన్ని పొగిడారు. ‘‘సినిమా అద్భుతంగా ఉంది. చిత్రాన్ని చూసి నేను గర్విస్తున్నాను’’ అని మహేశ్ చెప్పారు. మృణాల్ ఠాకూర్, వర్ష బొల్లమ్మ, కోమలి ప్రసాద్, మీనాక్షి చౌదరి కూడా ‘దసరా’ ను ప్రశంసించారు.
‘దసరా’ మూవీ బొగ్గు గనుల నేపథ్యంలో వీర్లపల్లి అనే గ్రామం నేపథ్యంలో తెరకెక్కింది. ఎస్‌‌ఎల్‌వీ సినిమాస్ భారీ బడ్జెట్‌తో రూపొందించింది. పాన్ ఇండియాగా నిర్మించింది.
^^^^^^^^^^^^^^^^^^^^^^^^^^^^^^^^^^
Nani-Balakrishna: నానికి 35.. బాలకృష్ణకు 36
Janhvi Kapoor: స్టేజ్‌పై డ్యాన్స్.. ట్రోల్ చేస్తున్న నెటిజన్స్..
Dasara: సీన్‌ను తొలగించాలని డిమాండ్.. థియేటర్స్ వద్ద ధర్నా..
Koffee With Karan: భార్యతో కలిసి రావాలంటూ సౌత్ స్టార్ హీరోలకు పిలుపు.. బుక్ చేస్తాడేమో చూసుకోండి..
Web Series: భారత్‌లో ఎక్కువ మంది వీక్షించిన వెబ్ సిరీస్ ఏంటో తెలుసా..?
SSMB29: మహేశ్ సినిమా కోసం రాజమౌళి వర్క్‌షాప్స్