Tiger Nageswararao: మంచి జరగాలంటే టైమ్‌ పడుతుంది.. వెయిట్‌ చేయండి!

మాస్‌ మహారాజా రవితేజ(Ravi teja) హీరోగా నటిస్తున్న మొదటి పాన్‌ ఇండియా చిత్రం ‘టైగర్‌ నాగేశ్వరరావు’ (Tiger nageswararao). వంశీ దర్శకత్వం (vamsee) వహిస్తున్నారు. పాన్‌ ఇండియా బ్లాక్‌బస్టర్స్‌ - ది కాశ్మీర్‌ ఫైల్స్‌ , కార్తికేయ 2 వంటి బ్లాక్‌బస్టర్‌ హిట్స్‌ తర్వాత అభిషేక్‌ అగర్వాల్‌ నిర్మిస్తున్న చిత్రమిది. ఇప్పటికే విడుదల గ్లింప్స్‌కు చక్కని స్పందన వచ్చిన సంగతి తెలిసిందే! ఇప్పుడు టైగర్‌ దండయాత్ర మొదలుకాబోతుంది. ఈ నెల 17న సినిమా టీజర్‌ను విడుదల చేయడానికి సన్నాహాలు చేస్తున్నారు మేకర్స్‌. దీనికి సంబంధించిన తాజా పోస్టర్‌ను విడుదల చేశారు. పోస్టర్‌ చూస్తే యాక్షన్‌లోకి దిగుతున్నట్లు కనిపిస్తోంది. ఈ మేరకు దర్శకుడు ఓ ట్వీట్‌ చేశారు.

‘‘తమ్ముళ్లు నాకు మీ ఆవేశం, ఆక్రోశన అర్థమైంది. కానీ ఈ లోకంలో కొన్ని మంచి విషయాలు జరగాలంటే కొంత సమయం పడుతుంది. మీరు అర్థం చేసుకుంటారని మనస్ఫూర్తిగా కోరుకుంటున్నా. మీరు అందరూ ఆకలి చూసి ఈ అప్‌డేట్‌ ఇస్తున్నాము. ఇన్ని రోజులు ఓపికగా వెయిట్‌ చేసినందుకు ధన్యవాదాలు. ఇక మొదలెడదామా? అంటూ ‘టైగర్‌ నాగేశ్వరరావు’ టీజర్‌ విడుదల గురించి తెలిపారు. రవితేజ సరసన నూపూర్‌ సనన్‌, గాయత్రి భరద్వాజ్‌ హీరోయిన్లుగా నటిస్తున్న ఈ చిత్రం దసరా కానుకగా అక్టోబర్‌ 20న విడుదల కానుంది. రవితేజకు కెరీర్‌లో హయ్యెస్ట్‌ బడ్జెట్‌ చిత్రమిది. పాన్‌ ఇండియా స్థాయిలో విడుదల చేయనున్నారు.