Kotabommali PS: ‘లింగి లింగి లింగిడి’ పాట రికార్డ్‌.. 30 మిలియ‌న్స్ వ్యూస్ సెల్‌బ్రేష‌న్స్‌

ఇటీవ‌ల ఎక్క‌డ చూసినా మ‌న‌కు వినిపిస్తున్న పాట లింగి లింగి లింగిడి (Lingi Lingi Lingidi). కోట బొమ్మాళి పీఎస్ (Kotabommali PS) చిత్రం నుంచి విడుద‌లైన ఈ శ్రీకాకుళం మాస్ జానపద పాట ప్రేక్షకుల‌కు బాగా క‌నెక్ట్ అవ‌డంతో విడుద‌లైన‌ అతి కొద్ది స‌మ‌యంలోనే యూట్యూబ్‌, సోషల్ మీడియాల్లో వైరల్ గా మారి కోట్లలో వ్యూస్ సాధించింది. ఇటీవ‌లే ఈ పాట 30 మిలియ‌న్స్ వ్యూస్ ను పూర్తి చేసుకుంది. ఈ సంద‌ర్భంగా చిత్ర యూనిట్ సెల‌బ్రేష‌న్ నిర్వ‌హించి 30 మిలియ‌న్స్ కేక్‌ను ట్ చేసి త‌మ సంతోషాన్ని వ్య‌క్తం చేసింది.

తెలుగులో ఇటీవ‌ల ఎన్నో బ్లాక్‌బ‌స్ట‌ర్ చిత్రాల‌ను అందించిన గీతా ఆర్ట్స్ 2 సంస్థ. GA2 పిక్చర్స్ బ్యానర్ మలయాళ సూపర్ హిట్ నాయాట్టు కి రీమేక్ గా కోట బొమ్మాళి పీఎస్ ను నిర్మించింది. ఈ సినిమాకి నిర్మాతలుగా బన్నీ వాస్ (BunnyVass), విద్యా కొప్పినీడి వ్యవహరించ‌గా జోహార్ ఫేమ్‌ తేజ మార్ని దర్శకత్వం మ‌హించారు. శ్రీకాంత్ (Srikanth) మేక ప్రధాన పాత్రలో నటిస్తుండ‌గా, వరలక్ష్మి శరత్‌కుమార్‌ ప్రత్యేక పాత్రలో నటిస్తోంది. రాహుల్ విజయ్, శివాని రాజశేఖర్ కీలక పాత్రలు పోషిస్తున్నారు. న‌వంబ‌రు 24న ఈ చిత్రం ప్ర‌పంచ వ్యాప్తంగా విడుద‌ల కానుంది.

అయితే.. ఈ 30 మిలియ‌న్స్ సెల‌బ్రేష‌న్ వేడుక‌లో బ‌న్నీవాస్ మాట్లాడుతూ లింగి లింగి లింగిడి పాట‌కు వ‌చ్చిన స్పంద‌న అనూహ్యంగా ఉంద‌ని, భ‌విష్య‌త్ లో మ‌రింత ఆద‌ర‌ణ ద‌క్కించుకుంటుంద‌న్నారు. అదేవిధంగా ఇటీవ‌ల విడుద‌లైన టీజ‌ర్‌కు చ‌క్క‌ని స్పంద‌న వ‌స్తోందని ప్రేక్ష‌కులు త‌ప్ప‌కుండా మా చిత్రానికి విజ‌యాన్ని అందిస్తార‌నే న‌మ్మ‌కం ఉంద‌ని అన్నారు. ఈ సంద‌ర్భంగా హీరో రాహుల్ విజ‌య్‌, హీరోయిన్ శివాని, నిర్మాత బ‌న్నీవాస్‌, విద్యా కొప్పినీడి, ద‌ర్శ‌కుడు తేజ మార్ని (Teja Marni) త‌మ ఆనందాన్ని వ్య‌క్తం చేస్తూ ప్రేక్ష‌కుల‌కు త‌మ కృత‌జ్ఞ‌త‌లు తెలియ‌జేశారు.