Bhola Shankar: వీడియోలో ఉన్నదే... అంతకుమించి ఏమీ లేదు!
ABN , First Publish Date - 2023-07-17T16:47:01+05:30 IST
చిరు లీక్స్‌ (Chiru Leaks) పేరుతో ఆయన చిత్రాలకు సంబంధించి అప్పుడప్పుడు చిరంజీవి వదిలే లీక్‌లు ఎంతగా ఫేమస్సో తెలిసిందే. ఆదివారం కూడా ఆయన ‘భోళా శంకర్‌’(Bhola Shankar) గురించి ఓ లీక్‌ ఇచ్చారు. అది వైరల్‌ కావడంతోపాటు నెగిటివ్‌ కామెంట్స్‌ కూడా తీసుకొచ్చింది. ఇంతకీ అసలు విషయం ఏంటంటే.
చిరు లీక్స్‌ (Chiru Leaks) పేరుతో ఆయన చిత్రాలకు సంబంధించి అప్పుడప్పుడు చిరంజీవి వదిలే లీక్‌లు ఎంతగా ఫేమస్సో తెలిసిందే. ఆదివారం కూడా ఆయన ‘భోళా శంకర్‌’(Bhola Shankar) గురించి ఓ లీక్‌ ఇచ్చారు. అది వైరల్‌ కావడంతోపాటు నెగిటివ్‌ కామెంట్స్‌ కూడా తీసుకొచ్చింది. ఇంతకీ అసలు విషయం ఏంటంటే.. తాజాగా ఆయన నటించిన ‘భోళా శంకర్‌’ చిత్రంలో తన తమ్ముడు పవన్‌కల్యాణ్‌లా సందడి చేయనున్నట్లు తెలిపారు. ఇందులో పవన్‌కల్యాణ్‌ని ఇమిటేట్‌ చేసినట్లు తెలిపారు. ‘ఖుషి’ సినిమాలోని ‘యే మేరా జహా...’ పాటలో పవన్‌ మేనరిజమ్‌ని అనుకరించిన ఓ సన్నివేశాన్ని పంచుకున్నారు. ‘హా.. హా.. అంటూ ‘తమ్ముడి పాట మస్తుందిలే...’ దీనిని పూర్తి స్థాయిలో సినిమాలో చూడండి. ఇది శాంపిల్‌ మాత్రమే’ అని వీడియో షేర్‌ చేశారు.
ప్రస్తుతం ఈ వీడియో నెట్టింట వైరల్‌ అవుతోంది. దీనికి ఓ పక్క అభిమానులు ఆనందిస్తుంటే.. మరి కొందరు మాత్రం నెగటివ్‌ కామెంట్స్‌ చేస్తున్నారు. ‘మీ సినిమా కోసం పవన్‌ క్రేజ్‌ను వాడుకుంటున్నారు బాస్‌’ అంటూ కామెంట్స్‌ చేస్తున్నారు. దీంతో చిరు టీమ్‌ ట్విట్టర్‌ వేదికగా స్పందించింది. ‘‘చిరంజీవిగారు లీక్‌ చేసిన వీడియోలో పవన్‌కల్యాణ్‌గారి సీన్‌ ఏదైతే ఉందో సినిమాలో కూడా అదే ఉంటుంది. అంతకుమించి ఏమీ ఉండదు. దయ చేసి నెగటివిటీని నమ్మవద్దు’’ అని ట్వీట్‌ చేశారు. మెహర్‌ రమేశ్‌ దర్శకత్వంలో రూపొందుతున్న ఈ చిత్రంలో తమన్నా కథానాయిక. కీర్తిసురేశ్‌ చిరంజీవికి చెల్లెలిగా నటిస్తోంది. ఆగస్ట్‌ 11న ఈ చిత్రం విడుదల కానుంది.