Bigg Boss 7 : అడిగింది ఒకరిని... ఇచ్చింది మరొకరు!

‘బిగ్‌బాస్‌ సీజన్‌7’(biggboss 7)లో ఇంటి సభ్యులకు టాస్కులు షురూ అయ్యాయి. ఉల్లా - పుల్టా అంటూ ప్రచారం చేస్తున్న నిర్వాహకులు అందుకు తగ్గట్టే ఏర్పాట్లు చేశారు. హౌస్‌మేట్స్‌ కూడా టాస్క్‌ గెలవడానికి రకరకాల ప్రయత్నాలు చేస్తున్నారు. ఎవరి గేమ్‌ వాళ్లు ఆడుతూనే మరోపక్క తోటి కంటెస్టెంట్లతో అనుబంధం ఏర్పరుచుకుంటున్నారు. ఈ విషయంలో మాత్రం రైతుబిడ్డగా హౌస్‌లో అడుగుపెట్టిన పల్లవి ప్రశాంత్‌ రెండు రోజుల్లోనే హీరోయిన్‌ రతిక ను లైన్లో పెట్టేశాడు. ఆమె ఎప్పుడు చూసిన అతని చుట్టూ తిరుగుతుంది. తన మనసే ఇచ్చేస్తానంటూ తెగ చెబుతుంది. ఆమె మాటలకు ప్రశాంత్‌ డబ్బితబ్బిబు అవుతున్నాడు. తనకు కూడా ఇలాంటివి ఏమన్నా వర్కవుట్‌ అవుతుందేమో అని ఇదే దార్లో వెళ్లాలనుకుంటున్నాడు టేస్టీ తేజ. (kiss Task)

తాజా ఎపిసోడ్‌లో తేజాను (Tasty teja) అమ్మాయిలా రెడీ చేయడానికి శుభశ్రీ రాయగురు సిద్ధమైంది. తేజాకు ఓ పిలక వేసి, ముఖానికి మేకప్‌ వేసి అమ్మాయిలా తయారు చేసింది. తదుపరి లిప్‌స్టిక్‌ పూస్తుండగా డైరెక్ట్‌గా పెదాలతో లిప్‌స్టిక్‌ వేయొచ్చుగా అని అడిగాడు తేజ. అతని మాటలు విని షాకైన శుభశ్రీ (Subha sri) అలాంటి పప్పులు ఏమీ ఉడకవు అంటూ చెంపపై లిప్‌స్టిక్‌ రాసింది. అయినా సరే తేజ వదలకుండా డైరెక్ట్‌గా లిప్‌స్టిక్‌ కావాలని లొల్లి చేశాడు. పక్కనే ఉన్న షకీలా వచ్చి ఓస్‌ అంతేనా అంటూ తేజా బుగ్గన ముద్దు పెట్టింది. అలా అతడికి బుగ్గపై షకీలా లిప్‌స్టిక్‌ మరకలు పడ్డాయి. దీంతో అక్కడున్నవారంతా గొళ్లున నవ్వారు.

అలాగే టాస్క్‌లో భాగంగా బిగ్‌బాస్‌ ఇచ్చిన ఫేస్‌ ద బీస్ట్‌ టాస్క్‌లో కంటెస్టెంట్స్‌ అందరూ బాగా ఆడారు. మేల్‌ బీస్ట్‌, ఫీమేల్‌ బీస్ట్‌లో ఇంటి సభ్యులు తలపడాలి. ఎక్కువ సేపు రింగ్‌లో ఎవరైతే బీస్ట్‌తో తలపడగలరే వారే విన్నర్‌. కంటెస్టెంట్స్‌ అంతా తమ శక్తి మేరకు బీస్ట్‌ని ఎదుర్కొనే ప్రయత్నం చేశారు. ఫైనల్‌గా ప్రియాంక, డాన్స్‌ మాస్టర్‌ సందీప్‌ గెలుపొందారు.