Tanikella Bharani: శతాబ్దాల తెలుగువాళ్ల బాకీ ఇక చెల్లు

69వ జాతీయ పురస్కారాల్లో జాతీయ ఉత్తమ నటుడిగా (Best actor Allu arjun) అవార్డుకు ఎంపికైన ఐకాన్‌స్టార్‌ అల్లు అర్జున్‌కు ప్రశంసలు వెల్లువెత్తుతున్నాయి. ఇన్నేళ తెలుగు సినిమా చరిత్రలో ఎవరూ సాధించిన లేని ఘనత బన్నీ సాధించాడని అభిమానులు, సినీ ప్రముఖులు ఆయనను అభినందిస్తున్నారు. ఈ నేపథ్యంలో విలక్షణ నటుడు తనికెళ్ల భరణి (tanikella Bharani) స్పందించారు. అల్లు అర్జున్‌ను తనదైన శైలిలో శుభాకాంక్షలు తెలిపారు.

‘‘అర్జునుడై గురిపెట్టెను..

అల్లు తన విల్లు...

శతాబ్దాల తెలుగువాళ్ల బాకీ ఇక చెల్లు’’

అని చెబుతూ ఓ వీడియో సోషల్‌ మీడియాలో షేర్‌ చేశారు. ప్రస్తుతం ఈ వీడియో నెట్టింట వైరల్‌ అవుతోంది. (69th National Film Awards)

అల్లు అర్జున్‌ ‘పుష్ప’ చిత్రం కోసం ఎంతగా కష్టపడ్డారో తెలిసిందే!. ‘పుష్పరాజ్‌’ పాత్ర కోసం తన యాస, భాష మొత్త మార్చుకున్నారు. తెరపై ఎప్పుడూ స్టైలిష్‌గా కనిపించే ఆయన డీగ్లామర్‌ పాత్రలో రగ్గ్‌డ్‌గా కనిపించారు. మొరటు మనిషిలా తయారు. తనదైన మేనరిజంతో ప్రేక్షకుల్ని అలరించారు. వీటన్నింటి ఫలితంగానే జాతీయ పురస్కారం దక్కిందని చిత్ర బృందం సంబరాలు చేసుకుంటోంది. సుకుమార్‌ ఈ ఇప్పుడు ఈ చిత్రానికి కొనసాగింపుగా ‘పుష్ప -2’ తెరకెక్కిస్తున్నారు. రష్మిక మందన్నా కథానాయుకా తెరకెక్కుతున్న ఈ చిత్రాన్ని మైత్రీ మూవీ మేకర్స్‌ నిర్మిస్తోంది.