Siddhu jonnalagadda: టిల్లుస్వ్కేర్‌పై వదంతులు.. స్పందించిన హీరో!
ABN , First Publish Date - 2023-04-15T11:36:17+05:30 IST
డీజే టిల్లు’తో ఓవర్‌నైట్‌ స్టార్‌ అయ్యారు సిద్థు జొన్నలగడ్డ. ప్రస్తుతం ఆయన ‘డీజే టిల్లు’కి సీక్వెల్‌గా ‘టిల్లు స్వ్కేర్‌’ చేస్తున్నారు.
‘డీజే టిల్లు’(DJ TillU) తో ఓవర్‌నైట్‌ స్టార్‌ అయ్యారు సిద్థు జొన్నలగడ్డ. ప్రస్తుతం ఆయన ‘డీజే టిల్లు’కి సీక్వెల్‌గా ‘టిల్లు స్వ్కేర్‌’ (Tillu square)చేస్తున్నారు. మల్లిక్‌ రామ్‌ దర్శకుడు. ఈ సినిమాపై వస్తున్న కొన్ని వదంతులను సిద్ధు ఖండించారు. తాజాగా ఓ యూట్యూబ్‌ ఛానల్‌కు ఇచ్చిన ఇంటర్వ్యూలో ఆసక్తికర విషయాలు చెప్పారు. దర్శకుడితో, హీరోయిన్‌ అనుపమతో గొడవలంటూ వస్తున్న వార్తలపై స్పందించారు. (Siddhu Jonnalagadda)
‘‘టిల్లు స్వ్కేర్‌’ ఇది ‘డీజే టిల్లు’కు రెండో భాగం కాదు. దానికి సీక్వెల్‌గా వస్తున్న చిత్రం. సినిమాలో కొత్త హీరోయన్‌, దర్శకుడు, కొత్త గొడవలు అంటూ చాలా వార్తలు వస్తున్నాయి. నాకూ, దర్శకుడు విమల్‌ కృష్ణకు మధ్య గొడవ జరిగి ఈ ప్రాజెక్ట్‌ నుంచి బయటకు వెళ్లిపోయాడని గాసిప్‌లు క్రియేట్‌ చేశారు. అది నిజం కాదు. ‘టిల్లు చేయాలనుకున్నప్పుడు మొదట సంప్రదించింది విమల్‌నే. మళ్లీ అదే ప్రాజెక్టా? ఇంకేదైనా కొత్తగా చేద్దాం’ అన్నాడు. అతని మాటను గౌరవించి భవిష్యత్తులో మంచి ప్రాజెక్ట్‌ ఏదైనా చేద్దామని చెప్పా. అలా, ‘టిల్లు స్వ్కేర్‌’లోకి మల్లిక్‌ వచ్చాడు. హీరోయిన్‌ విషయానికొస్తే.. నేహాశెట్టిని నేనే ఈ ప్రాజెక్ట్‌ నుంచి వెళ్లిపోయేలా చేశానని కూడా రాశారు. తర్వాత అనుపమాతో గొడవలు అని, సెట్‌ నుంచి వెళ్లిపోయిందని రకరకాల వార్తలు మా చుట్టూ తిరిగాయి. అయితే వాటిని చదివి పగలబడి నవ్వుకునేవాళ్లం. ఎందుకంటే అందులో నిజం లేదు కాబట్టి. టిల్లు స్వ్కేర్‌ అనుకున్నప్పుడు మేం అనుకున్న హీరోయిన్‌, అనుపమా, ఇప్పుడు షూటింగ్‌ చేస్తోంది అనుపమాతోనే. ఈ వార్త వచ్చి చాలాకాలమైంది. ఊహాగానాలు, వదంతులకు స్పందించాల్సిన అవసరం లేదు. రాసేవాళ్లు రాసుకుంటారు. మా పనిలో మేం బిజీగా ఉన్నప్పుడు వదంతులకు స్పందించాల్సిన పని లేదు’’ అని అన్నారు. మల్లిక్‌ రామ్‌ దర్శకత్వం వహిస్తున్న ఈ చిత్రాన్ని సితారా ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్నారు. (Rumors on Anupama parameswaran)