Shiva Nirvana: ‘ఖుషి’ కథ అనుకోగానే మదిలో మెదిలింది ఎవరంటే!

"పవన్‌కల్యాణ్‌(Pawan kalyan) ‘ఖుషి’ 9Kushi) ఫీల్‌ గుడ్‌ లవ్‌స్టోరీగా ఎంతో ప్రేక్షకాదరణ పొందింది. ఈ సినిమాలో కూడా అంతే ఫీల్‌ ఉంది. అందుకే, ఈ సినిమాకు ఆ టైటిల్‌ పెట్టాం. ఎన్నో పేర్లు అనుకున్నాం. కానీ, ‘ఖుషి’ అయితేనే బాగుంటుందనిపించింది’’ అని దర్శకుడు శివ నిర్వాణ (Shiva nirvana) అన్నారు. విజయ్‌ దేవరకొండ(Vijay devarakonda), సమంత (Samantha)జంటగా ఆయన దర్శకత్వం వహిస్తున్న చిత్రం ‘ఖుషి’. త్వరలో ఈ చిత్రం ప్రేక్షకుల ముందుకురానుంది. ‘నిన్నుకోరి’ చిత్రంతో దర్శకుడిగా కెరీర్‌ ప్రారంభించిన ఆయన దర్శకుడిగా ఐదేళ్లు పూర్తి చేసుకున్నారు. తాజాగా ఇచ్చిన ఇంటర్వ్యూలో ఆసక్తికర విషయాలు చెప్పుకొచ్చారు. కెరీర్‌ ప్రారంభించిన ఐదేళ్లకే ‘ఖుషి’ లాంటి చిత్రం చేయడం ఆనందంగా ఉందన్నారు.

‘మజిలీ’ సినిమా కోసం సమంతతో కలిసి పనిచేశాను. ‘ఖుషి’ కథ రాయగానే నా మనసుకు తట్టిన వ్యక్తి సమంత. ఆమె అయితేనే ఈ పాత్రకు న్యాయం చేయగలదని ఆ రోజే ఫిక్స్‌ అయ్యా. అందుకే హీరోయిన్‌గా ఆమెను సెలెక్ట్‌ చేశా. హీరో పాత్రకు విజయ్‌ దేవరకొండ జీవం పోశాడు. సామ్‌, విజయ్‌ల మధ్య కెమిస్ర్టీ అద్భుతంగా ఉంటుంది. హాస్యం, భావోద్వేగాలు, ప్రేక్షకుల హృదయాలను హత్తుకుంటాయి. ఈ చిత్రం షూటింగ్‌ దాదాపుగా పూర్తయింది. సమంత మయోసైటిస్‌ నుంచి కోలుకోవడానికి నాలుగు నెలలు పట్టింది. అందుకే షూటింగ్‌ను వాయిదా వేశాం. ఇటీవల కశ్మీర్‌లో 30రోజుల షెడ్యూల్‌ను పూర్తిచేశాం. హైదరాబాద్‌లోనూ కొన్ని కీలక సన్నివేశాలు చిత్రీకరించాం’’ అని అన్నారు.