Dasara: సీన్‌ను తొలగించాలని డిమాండ్.. థియేటర్స్ వద్ద ధర్నా..

నేచురల్ స్టార్ నాని (Nani), కీర్తి సురేశ్ (Keerthy Suresh) హీరో, హీరోయిన్‌గా నటించిన సినిమా ‘దసరా’ (Dasara). డెబ్యుటెంట్ శ్రీకాంత్ ఓదెల (Srikanth Odela) దర్శకత్వం వహించారు. ఈ చిత్రం పాన్ ఇండియాగా రూపొందింది. పలు భాషల్లో ప్రపంచవ్యాప్తంగా మార్చి 30న విడుదలైంది. ఈ మూవీ ఫస్ట్ డే ఫస్ట్ షో నుంచే హిట్ టాక్‌ను తెచ్చుకుంది. బాక్సాఫీస్ వద్ద రికార్డు స్థాయిలో కలెక్షన్స్‌ను రాబడుతుండగానే సినిమాలోని ఓ సన్నివేశంపై వివాదం రేగింది.

కీర్తి సురేశ్ ‘దసరా’ లో వెన్నెల అనే పాత్రను పోషించారు. అంగన్ వాడీ టీచర్‌గా నటించారు. ఈ చిత్రంలోని ఓ సన్నివేశంలో కీర్తి సురేశ్ కోడిగుడ్లను దొంగతనం చేసి అమ్ముకుంటున్నట్టు చూపించారు. ఆ గుడ్లను తీసుకెళ్లి కుటుంబ సభ్యులకు ఇచ్చినట్టు చిత్రీకరించారు. ఈ సీన్‌పై అంగన్‌వాడీ కార్యకర్తలు ఆగ్రహం వ్యక్తం చేశారు. ఆదిలాబాద్ జిల్లా కేంద్రంలోని థియేటర్ వద్ద ధర్నా చేశారు. ఆ సీన్‌ను తొలగించాలని డిమాండ్ చేస్తున్నారు. క్షమాపణలు చెప్పాలని కోరుతున్నారు. సన్నివేశాన్ని తొలగించకపోతే సినిమాను ప్రదర్శిస్తున్న థియేటర్స్ వద్ద నిరసనకు దిగుతామని హెచ్చరించారు.

దసరా సినిమా వీర్లపల్లి అనే గ్రామం నేపథ్యంలో రూపొందింది. చిత్రంపై విడుదలకు ముందే భారీ బజ్ ఉంది. మూవీ ఆ అంచనాలను మించి రాణిస్తుంది. వరల్డ్ వైడ్‌గా రెండు రోజుల్లోనే రూ.53కోట్ల గ్రాస్ వసూళ్లను రాబట్టింది. ఓవర్సీస్‌లోను వన్ మిలియన్ డాలర్స్ కలెక్షన్స్‌ను ఇప్పటికే కొల్లగొట్టింది. ఈ సినిమా పూర్తి రన్‌లో 2మిలియన్ డాలర్స్ వసూళ్లను రాబట్టే అవకాశం ఉందని ట్రేడ్ వర్గాలు పేర్కొంటున్నాయి.

^^^^^^^^^^^^^^^^^^^^^^^^^^^^^^^^^^^

Pushpa: The Rule: డిజిటల్ రైట్స్ కోసం పోటీపడుతున్న ఓటీటీ ప్లాట్‌ఫామ్స్!

Koffee With Karan: భార్యతో కలిసి రావాలంటూ సౌత్ స్టార్ హీరోలకు పిలుపు.. బుక్ చేస్తాడేమో చూసుకోండి..

SS. Karthikeya: ‘ఆర్ఆర్ఆర్’ ఆస్కార్ క్యాంపెన్ ఖర్చు బయట పెట్టిన కార్తికేయ

Web Series: భారత్‌లో ఎక్కువ మంది వీక్షించిన వెబ్ సిరీస్ ఏంటో తెలుసా..?

Bhushan Kumar: తెలుగు హీరోలను లైన్‌లో పెడుతున్న బాలీవుడ్ ప్రొడ్యూసర్.. ప్రభాస్, అల్లు అర్జున్ తర్వాత తారకేనా..?

SSMB29: మహేశ్ సినిమా కోసం రాజమౌళి వర్క్‌షాప్స్

Suriya: ముంబైలో లగ్జరీ ఫ్లాట్ కొనుగోలు చేసిన సూర్య.. ధర వింటే షాకే..