Richie Gadi Pelli: పెళ్లికి వెళ్తున్నారా?.. ప్రీమియర్ టాక్‌పై దర్శకనిర్మాత స్పందనిదే!
ABN , First Publish Date - 2023-03-02T21:52:14+05:30 IST
ఈ శుక్రవారం (Friday) చిన్న చిత్రాల హవా నడవబోతోంది. దాదాపు నాలుగైదు చిత్రాలు ఈ శుక్రవారం విడుదల కాబోతున్నాయి. వీటిలో రెండు, మూడు సినిమాలకు అప్పుడే ప్రీమియర్స్ కూడా నిర్వహించారు. ప్రీమియర్ షో‌ల వరకు
ఈ శుక్రవారం (Friday) చిన్న చిత్రాల హవా నడవబోతోంది. దాదాపు నాలుగైదు చిత్రాలు ఈ శుక్రవారం విడుదల కాబోతున్నాయి. వీటిలో రెండు, మూడు సినిమాలకు అప్పుడే ప్రీమియర్స్ కూడా నిర్వహించారు. ప్రీమియర్ షో‌ల వరకు టాక్ బాగానే వినిపిస్తోంది. సినిమా విడుదల తర్వాత కూడా ప్రేక్షకులు ఆదరిస్తారని దర్శకనిర్మాతలు ఆశాభావం వ్యక్తం చేస్తున్నారు. ఇందులో ‘రిచి గాడి పెళ్లి’ (Richie Gadi Pelli) చిత్రం యూత్‌తో పాటు అన్నివర్గాల ప్రేక్షకులను అలరిస్తుందని అంటున్నారు చిత్ర దర్శకనిర్మాత హేమరాజ్.
కె‌ఏస్‌ ఫిల్మ్ వర్క్స్ పతాకంపై సత్య ఎస్ కె, నవీన్ నేని, ప్రణీత పట్నాయక్, చందన రాజ్, ప్రవీణ్ రెడ్డి ప్రధాన తారాగణంగా.. కె ఎస్ హేమరాజ్ (K.S. Hemraj) దర్శకత్వంలో ఆయనే నిర్మించిన ఫీల్ గుడ్ ఎమోషనల్ డ్రామా ‘రిచి గాడి పెళ్లి’. ఈ చిత్రానికి సంబంధించి ఇప్పటి వరకు విడుదలైన ప్రతీది ప్రేక్షకుల నుంచి మంచి స్పందనను రాబట్టుకోగా.. తాజాగా సినీ ప్రముఖులకు, పాత్రికేయులకు చిత్ర ప్రీమియర్ షోను ప్రదర్శించారు.
ప్రీమియర్ షో అనంతరం దర్శక, నిర్మాత హేమరాజ్ మాట్లాడుతూ.. మార్చి 3న గ్రాండ్‌గా విడుదలకాబోతోన్న మా సినిమాను సినీ ప్రముఖులకు, పాత్రికేయులకు ప్రీమియర్ షో వేయడం జరిగింది. మీడియా వారు చాలా మంచి రెస్పాన్స్ ఇచ్చారు. కొందరు సీనియర్స్ కూడా మా సినిమా చూసి అభినందించారు. ఈ స్పందనతో మేమంతా చాలా హ్యాపీగా ఉన్నాం. ప్రేక్షకులు కూడా ఈ చిత్రాన్ని ఆదరిస్తారని భావిస్తున్నాం. ఒక ఫోన్ గేమ్ ఆధారంగా చేసుకొని తీసిన సినిమా ఇది. ఖచ్చితంగా అన్ని వర్గాల ప్రేక్షకులని అలరిస్తుందని అన్నారు. (Richie Gadi Pelli Premiere Show Response)
ఇవి కూడా చదవండి:
*********************************