Revenge: జూలై 14న ‘రివెంజ్’కి సిద్ధమవుతున్నారు

ABN , First Publish Date - 2023-07-05T20:00:08+05:30 IST

ఆది అక్ష‌ర ఎంట‌ర్‌టైన్‌మెంట్స్ ప‌తాకంపై బాబు పెదపూడి హీరోగా న‌టిస్తూ నిర్మించిన చిత్రం ‘రివెంజ్’. నేహదేశ్ పాండే హీరోయిన్‌. రెట్టడి శ్రీనివాస్ ద‌ర్శ‌కుడు. అన్ని కార్యక్రమాలు పూర్తి చేసుకున్న ఈ చిత్రాన్ని ఈ నెల 14న విడుదల చేయబోతున్నట్లుగా మేకర్స్ అధికారికంగా ప్రకటించారు. మ‌నం అమితంగా ఇష్ట‌పడే వాళ్ల‌కు ఏమైనా జ‌రిగితే మ‌నం ఎలా మారిపోతాం అనేదే ఈ సినిమా కాన్సెప్ట్ అని నిర్మాత తెలిపారు.

Revenge: జూలై 14న ‘రివెంజ్’కి సిద్ధమవుతున్నారు

Revenge Movie Still

ఆది అక్ష‌ర ఎంట‌ర్‌టైన్‌మెంట్స్ ప‌తాకంపై బాబు పెదపూడి (Babu Pedapudi) హీరోగా న‌టిస్తూ నిర్మించిన చిత్రం ‘రివెంజ్’ (Revenge). నేహదేశ్ పాండే హీరోయిన్‌. రెట్టడి శ్రీనివాస్ ద‌ర్శ‌కుడు. ఈ చిత్రానికి సంబంధించిన ట్రైల‌ర్ ఇటీవలే విడుదలై మంచి స్పందనను రాబట్టుకోగా.. ప్రస్తుతం అన్ని కార్యక్రమాలు పూర్తి చేసుకున్న ఈ చిత్రాన్ని జూలై 14న మేకర్స్ విడుదల చేసేందుకు సన్నాహాలు చేస్తున్నారు.

ఈ సందర్భంగా హీరో, నిర్మాత బాబు పెద‌పూడి మాట్లాడుతూ.. మా ఫ్యామిలీ స‌పోర్ట్‌తో అబ్రాడ్ వెళ్లాను. కానీ నాకు మొద‌టి నుంచి సినిమాలంటే ఎంతో ఇష్టం. అబ్రాడ్‌లో ఉంటూనే త్రివిక్ర‌మ్‌గారి ‘అత‌డు’, ద‌శ‌ర‌థ్‌గారి ‘శ్రీ’ సినిమాల్లో మంచి క్యారక్ట‌ర్స్ చేశాను. ఇంకా కొన్ని అవ‌కాశాలు వ‌చ్చినప్ప‌టికీ నాకున్న బిజీ వ‌ల్ల చేయలేక‌పోయాను. ఈ నేప‌థ్యంలో మూడేళ్ల కిత్రం ద‌ర్శ‌కుడు శ్రీనివాస్‌గారితో ప‌రిచ‌యం ఏర్ప‌డింది. ఒక మంచి న‌టుడుగా న‌న్ను ప‌రిచ‌యం చేయ‌డానికి నాకోసం చాలా పాత్ర‌లు రాశారు. త‌న డెడికేష‌న్ న‌చ్చి ఈ సినిమా త‌న‌కిచ్చాను.. అద్భుతంగా తీశారు. ట్రైల‌ర్ చూశాక ఇది ఒక సైకో క‌థ అనిపించవచ్చు. కానీ బ‌ర్నింగ్ పాయింట్స్‌తో తీసిన సినిమా ఇది. మ‌నం అమితంగా ఇష్ట‌పడే వాళ్ల‌కు ఏమైనా జ‌రిగితే మ‌నం ఎలా మారిపోతాం అనేదే ఈ సినిమా కాన్సెప్ట్. సినిమా. హృదయానికి హత్తుకునేలా దర్శకుడు తెరకెక్కించారు.. జూలై 14న ప్రపంచవ్యాప్తంగా విడుద‌ల‌ చేయనున్నామని తెలిపారు. (Revenge Release Date Out)

చిత్ర ద‌ర్శ‌కుడు రెట్టడి శ్రీనివాస్ (Rettadi Srinivas) మాట్లాడుతూ.. 30 ఏళ్లుగా సినిమా రంగంలో ఉంటున్నా. విజ‌య్ భాస్క‌ర్, వంశీ‌ వంటి ప్ర‌ముఖ ద‌ర్శ‌కుల వ‌ద్ద ప‌ని చేశాను. పొద‌రిల్లు, ఐపిసి సెక్ష‌న్ రెండు సినిమాలు డైరెక్ట్ చేశాను. ఇది మూడో సినిమా. హీరో, నిర్మాత బాబుగారి ప్యాష‌న్ చూశాక ఒక మంచి క‌థ రాయాల‌ని డిసైడ్ అయ్యాను. చాలా పాత్ర‌లు రాశాను. చివ‌రిగా రివెంజ్ క‌థ తీశాం. మొద‌ట క్యార‌క్ట‌ర్ రాసి ఆ త‌ర్వాత సినిమా క‌థ రాశాను. సినిమాకు సంబంధించి అన్ని కార్యక్రమాలు పూర్తయ్యాయని అన్నారు. ఆరోహి, భార్గ‌వ్, నాగేష్ క‌ర్ర ఇతర పాత్ర‌ల్లో న‌టించిన ఈ చిత్రానికి విజయ్ కురాకుల సంగీతం అందించారు.