Eagle: ‘మార్గ‌శిరం మ‌ధ్య‌రాత్రి ఓ మొండి మోతుబ‌రి’.. ఫుల్ యాక్ష‌న్ మోడ్‌లో ర‌వితేజ‌ ‘ఈగ‌ల్’ ట్రైల‌ర్‌

టైగ‌ర్ నాగేశ్వ‌ర‌రావు సినిమా త‌ర్వాత‌ మాస్ మహారాజా రవితేజ (Mass Maharaja Ravi Teja) న‌టించిన చిత్రం ‘ఈగల్’ (Eagle). ఇంటెన్స్ అండ్ యూనిక్ యాక్షన్ థ్రిల్లర్‌గా వ‌స్తున్న ఈ సినిమా సంక్రాంతి సంద‌ర్భంగా విడుద‌ల‌కు సిద్ధ‌మైంది. కార్తీక్ ఘట్టమనేని (Karthik Gattamneni) దర్శకత్వంలో పీపుల్ మీడియా ఫ్యాక్టరీ (People Media Factory) పతాకంపై తెరకెక్కుతోన్న ఈ చిత్రం జనవరి 13న విడుదల కానుంది. ఈ సినిమాలో రవితేజ మల్టీ షేడ్స్ ఉన్న పాత్రలో నటిస్తుండ‌గా ఆయ‌న‌కు జోడీగా కావ్య థాపర్ (Kavya Thapar), అనుపమ పరమేశ్వరన్ (Anupama Parameshwaran) నటిస్తోండ‌గా ఈ సినిమాలో నవదీప్, మధుబాల ప్ర‌ధాన పాత్ర‌ల్లో న‌టిస్తున్నారు. (Eagle Movie Latest Update)

తాజాగా బుధ‌వారం సినిమా ట్రైల‌ర్ రిలీజ్ చేయ‌గా మంచి స్పంద‌న వస్తోంది. న‌వ‌దీప్ వాయిస్‌తో స్టార్ట్ అయిన ట్రైల‌ర్‌లో ర‌వితేజ(Ravi Teja) గురించి చెప్ప‌డం, ఆయ‌న కోసం పోలీసులు, మిల‌ట‌రీ, న‌క్ష‌లైట్లు అంతా సెర్చ్ చేయ‌డం, మార్గ‌శిరం మ‌ధ్య‌రాత్రి ఓ మొండి మోతుబ‌రి అంటూ డైలాగ్స్‌, స‌న్నివేశాల‌తో ఆద్యంతం ఆక‌ట్టుకునేలా క‌ట్ చేశారు.

అదేవిధంగా విషం మింగుతాను, విశ్వం తిరుగుతాను, ఊపిరి ఆపుతాను, కాప‌లా అవుతాను, విద్వంసం నేను, అయిధంతో విద్వంసం చేసేవాడు రాక్ష‌సుడు, అయిధంతో విద్వంసం ఆపేవాడు దేవుడు.. ఈ దేవుడు మంచోడు కాదు మొండోడు అంటూ ర‌వితేజ (Ravi Teja) చెప్పే డైలాగ్స్ గూస్ బంప్స్ తేచ్చేలా ఉన్నాయి. వీటితో పాటు యాక్ష‌న్ సీన్స్‌ సినిమాపై అంచ‌నాల‌ను పెంచేలా ఉన్నాయి. అయితే గ‌త కొన్ని రోజులుగా ఈ సినిమా సంక్రాంతికి విడుద‌ల కావ‌డం లేద‌ని వాయిదా ప‌డిందంటూ నెల రోజులుగా వ‌స్తున్న వార్త‌ల‌కు ట్రైల‌ర్‌తో చెక్ పెట్టారు.