Ram Charan: అభిమానులకు డబుల్‌ ట్రీట్‌!

గ్లోబల్‌స్టార్‌ రామ్‌చరణ్‌ (Ram charan) పుట్టినరోజు సందర్భంగా అభిమానులకు రెండు సర్‌ప్రైజ్‌ ఇచ్చారు. రామ్‌చరణ్‌ 15వ (Rc15) చిత్రంగా శంకర్‌ (Shankar)దర్శకత్వంలో దిల్‌ రాజు నిర్మిస్తున్న ఈ సినిమాకు ‘గేమ్‌ ఛేంజర్‌’ (Game Changer) టైటిల్‌ ఖరారు చేశారు. సోమవారం చరణ్‌ పుట్టిన రోజు సందర్భంగా టైటిల్‌ను విడుదల చేశారు. అలాగే రెండో సర్‌ప్రైజ్‌గా హీరో రామ్‌చరణ్‌ (ram charan surprise to Fans) ఫస్ట్‌ లుక్‌ను విడుదల చేశారు. దీనితో అభిమానులు డబుల్‌ బోనాంజగా ఫీల్‌ అవుతున్నారు. శ్రీ వెంకటేశ్వరా క్రియేషన్స్‌ సంస్థ, రామ్‌చరణ్‌, శంకర్‌, దిల్‌రాజు, ఇతర టీమ్‌ సభ్యులు రామ్‌చరణ్‌కు పుట్టినరోజు శుభాకాంక్షలు చెబుతూ స్టైలిష్‌గా ఉన్న లుక్‌ను విడుదల చేశారు. కళ్లద్దాలు ధరించి, స్టైలిష్‌ హెయిర్‌ స్టైల్‌తో బైక్‌పై నుంచి దిగుతున్న రామ్‌చరణ్‌ (Ram Charan) స్టిల్‌ ఆకట్టుకుంటుంది. ప్రస్తుతం ఈ పోస్టర్‌ నెట్టింట వైరల్‌ అవుతోంది. స్టైలిష్‌ లుక్‌ చూసిన అభిమానులు ఖుషీ అవుతున్నారు. ‘‘ఇంతకన్నా గొప్ప బర్డ్‌డే గిఫ్ట్‌ను అడగలేను శంకర్‌ సర్‌’’ అని రామ్‌చరణ్‌ ట్వ్టిట్టర్‌లో రాసుకొచ్చారు.

భారీ చిత్రాల దర్శకుడు శంకర్‌ దర్శకత్వం వహిస్తున్న ఈ చిత్రాన్ని దిల్‌ రాజు (Dil raju) నిర్మిస్తున్నారు. కియారా అడ్వాణీ కథానాయిక. అంజలి, సముద్రఖని తదితరులు నటిస్తున్నారు. తమన్‌ సంగీతం అందిస్తున్నారు.