Ram 20 - Boyapati: రాపో20... ట్వీట్‌ వైరల్‌

రామ్‌ పోతినేని (Rapo) హీరోగా బోయపాటి శ్రీను (Boyapati Srinu) దర్శకత్వంలో ఓ చిత్రం రూపొందుతున్న సంగతి తెలిసిందే! రామ్‌ 20వ చిత్రమిది. బోయపాటి సినిమా అంటే పక్కా మాస్‌ మసాలా (Mass Masala) ఎలిమెంట్స్‌తో భారీ అంచనాలతో ఉంటుంది. దానికి తోడు రామ్‌ లాంటి ఎనర్జిటిక్‌ స్టార్‌ తోడైతే ఆ అంచనాలు రెట్టింపు అవుతాయి. శర వేగంగా చిత్రీకరణ జరుపుకొంటున్న ఈ చిత్రం గురించి రామ్‌ ఓ ఆసక్తికర ట్వీట్‌ చేశారు. (Ram Tweet)

‘‘24 రోజుల షెడ్యూల్‌లో యాక్షన్‌ సన్నివేశాలను పూర్తిచేశాం. ఇది క్లైమాక్స్‌ కాదు.. అంతకు మించి’’ అని మీనింగ్‌ వచ్చేలా రామ్‌ ట్వీట్‌లో పేర్కొన్నారు. ప్రస్తుతం ఈ ట్వీట్‌ వైరల్‌ అవుతోంది. రామ్‌ ట్వీట్‌తో నెటిజన్లు, అభిమానులు మరిన్ని అప్‌డేట్స్‌ కావాలని కోరుతున్నారు. ‘టైటిల్‌ ఎప్పుడు రిలీజ్‌ చేస్తారని కామెంట్స్‌ చేస్తున్నారు. (Idhi Climax kaadhu… CliMAXXXXX!)

రామ్‌కు జోడీగా టాలీవుడ్‌ మోస్ట్‌ వాంటెడ్‌ హీరోయిన్‌ శ్రీలీల (Srileela)చిత్రంలో కథానాయికగా నటిస్తోంది. ఓ పక్క డబ్బింగ్‌ పనులు జరుగుతున్నాయి. రామ్‌ నటిస్తున్న తొలి ప్యాన్‌ ఇండియా చిత్రమిది. శ్రీనివాస సిల్వర్‌ స్ర్కీన్‌ పతాకంపై శ్రీనివాసా చిట్లూరి నిర్మిస్తున్న ఈ చిత్రం అక్టోబరు 20న ప్రేక్షకుల ముందుకు రానుంది.