Lal Salaam: రజినీకాంత్‌ న్యూ లుక్‌!

ముంబైలో గ్యాంగ్‌స్టర్‌లను అంతమొందించి, బాషా భాయ్‌గా ఓ ట్రెండ్‌ క్రియేట్‌ చేసిన సూపర్‌స్టార్‌ రజినీకాంత్‌ (Rajinikanth)ఇప్పుడు మొయిద్దీన్‌ భాయ్‌గా (MoideenBhai) కనిపించనున్నారు. మరోసారి ముంబై భాయ్‌గా తెరపై సందడి చేయబోతున్నారు. తాజాగా ఆయన నటిస్తున్న చిత్రం ‘లాల్‌ సలాం (Lal Salaam). ఈ సినిమాలోని రజినీకాంత్‌ లుక్‌ను, క్యారెక్టర్‌ను లైకా (Lyca productions) సంస్థ విడుదల చేసింది. ఈ మేరకు ట్విట్టర్‌ వేదికగా రజినీ పోస్టర్‌ను విడుదల చేసింది. ఇందులో ఆయన మొయిద్దీన్‌ భాయ్‌గా కనిపించబోతున్నట్లు తెలిపారు. ‘ప్రతి ఒక్కరి ఫేవరెట్‌ భాయ్‌ మళ్లీ ముంబై రాబోతున్నారు’ అంటూ ఆదివారం నుంచే నిర్మాణ సంస్థ సందడి చేసింది. అర్ధరాత్రి 12 గంటలకు రజినీకాంత్‌ లుక్‌ను విడుడల చేశారు. ప్రస్తుతం ఈ లుక్‌ నెట్టింట ట్రెండ్‌ అవుతోంది. లుక్‌ అదిరింది అంటూ అభిమానులు సోషల్‌ మీడియాలో హల్‌చల్‌ చేస్తున్నారు. రజినీకాంత్‌ కుమార్తె ఐశ్వర్యా ఈ చిత్రానికి దర్శకత్వం వహిస్తున్నారు. లైకా ప్రొడక్షన్స్‌ పతాకంపై సుభాస్కరన్‌ ఈ చిత్రాన్ని భారీ బడ్జెట్‌తో నిర్మిస్తున్నారు.