Project k: టీమ్‌లో విషాదం
ABN , First Publish Date - 2023-01-06T14:29:23+05:30 IST
ప్రభాస్‌ హీరోగా వైజయంతీ మూవీస్‌ సంస్థ ప్రతిష్ఠాత్మకంగా తెరకెక్కిస్తున్న ‘ప్రాజెక్ట్‌’ టీమ్‌లో విషాదం చోటు చేసుకుంది. ఈ చిత్రానికి ప్రొడక్షన్‌ డిజైనర్‌గా పని చేస్తున్న సునీల్‌బాబు(50) గుండెపోటుతో మరణించారు. ఆయన స్వస్థలమైన ఎర్నాకుళంలో తుది శ్వాస విడిచారు.
ప్రభాస్‌ (Prabhas) హీరోగా వైజయంతీ మూవీస్‌ సంస్థ ప్రతిష్ఠాత్మకంగా తెరకెక్కిస్తున్న ‘ప్రాజెక్ట్‌ K' (Project k) టీమ్‌లో విషాదం చోటు చేసుకుంది. ఈ చిత్రానికి ప్రొడక్షన్‌ డిజైనర్‌గా పని చేస్తున్న సునీల్‌బాబు(50) (Sunilbabu is no more) గుండెపోటుతో మరణించారు. ఆయన స్వస్థలమైన ఎర్నాకుళంలో తుది శ్వాస విడిచారు. ఆయన తెలుగులో ఎన్టీఆర్‌ నటించిన ‘రామయ్య వస్తావయ్యా, మహేశ్‌ బాబు నటించిన మహర్షి చిత్రాలకు ప్రొడక్షన్‌ డిజైనర్‌గా పని చేశారు. బెంగుళూరు డేస్‌, గజినీ, సీతారామం, వారిసు లాంటి సినిమాలకి కూడా ఆయన పని చేశారు. (Production Designer)
తెలుగు, తమిళ, యలయాళ, హిందీ భాషల్లో బెంచ్‌ మార్క్‌లకు చిత్రాలకు పని చేశారు. సునీల్‌ బాబు చనిపోవడంతో కేరళ ఫిల్మ్‌ ఇండస్ర్టీతోపాటు ఇతర ఇండస్ర్టీల్లో ఆయనతో వర్క్‌ చేసిన వాళ్లు కూడా దిగ్ర్బాంతికి లోనయ్యారు. చనిపోయే ముందు వరకూ పని చేస్తూనే ఉన్నారు. ఇటీవల సునీల్‌ ‘ప్రాజెక్ట్‌ కె’ షూటింగ్‌లో పాల్గొన్నారు. అలాంటి వ్యక్తి సడన్‌గా చనిపోవడంతో సునీల్‌ బాబుకి నివాళులు అర్పిస్తూ సోషల్‌ వీడియాలో ట్వీట్స్‌ చేస్తున్నారు. వైజయంతీ మూవీస్‌ అఫీషియల్‌ ట్విట్టర్‌ ఖాతా ద్వారా ఈ విషయాన్ని తెలుపుతూ సునీల్‌బబు నివాళి అర్పిస్తూ ఓ వీడియో విడుదల చేశారు. ఆయన మరణవార్త తెలుసుకున్న దుల్కర్‌ సల్మాన్‌ నివాళి అర్పిస్తూ ఓ భావోద్వేగ పోస్ట్‌ చేశారు.