Prabhas: ‘యానిమల్’ లుక్‌పై స్పందించిన ప్రభాస్.. ఏమన్నాడంటే..

బాలీవుడ్ స్టార్ రణ్‌బీర్ కపూర్ (Ranbir Kapoor) సినిమాల పరంగా తన పంథాను మార్చుతున్నాడు. ఇప్పటి వరకూ ఎక్కువగా లవర్ బాయ్, చాక్లెట్ బాయ్ క్యారెక్టర్స్ చేసిన ఈ యాక్టర్ మాస్ కథలపై కాన్స్‌సన్‌ట్రేట్ చేస్తున్నాడు. ఈ ఏడాది వరుస సినిమాలతో ప్రేక్షకుల ముందుకు రావడానికి రెడీ అవుతున్నాడు. రణ్‌బీర్ ప్రస్తుతం ‘అర్జున్ రెడ్డి’ (Arjun Reddy) ఫేమ్ సందీప్ రెడ్డి వంగా (Sandeep Reddy Vanga) దర్శకత్వంలో ‘యానిమల్’ (Animal) అనే చిత్రం చేస్తున్నాడు. దీనికి సంబంధించిన ఫస్ట్ లుక్ పోస్టర్ (First look Poster) నూతన సంవత్సరం సందర్భంగా జనవరి 1న మూవీ మేకర్స్ విడుదల చేశారు.

అందులో రణ్‌బీర్ ఒళ్లంతా రక్తం, గడ్డంతో, రక్తం అంటిన గొడ్డలితో ఊర మాస్‌గా కనిపించాడు. అది చూసిన ఆయన అభిమానులతో పాటు సినీ లవర్స్ ఫిదా అయిపోయారు. అంతేకాకుండా ఎంతోమంది సెలబ్రిటీలు ఈ పోస్టర్స్‌పై ప్రశంసలు సైతం కురిపించారు. తాజాగా పాన్ ఇండియా స్టార్ ప్రభాస్ (Prabhas) ఈ పోస్టర్‌పై స్పందించాడు.

ప్రభాస్ ఇన్‌స్టాగ్రామ్‌లో షేర్ చేసిన స్టోరీలో.. ‘సందీప్ రెడ్డి వంగా, భూషణ్ కుమార్, సూపర్‌స్టార్ రణ్‌బీర్ కపూర్, రష్మిక మందన్నా, ‘యానిమల్’ టీం మొత్తానికి ఆల్ ది బెస్ట్’ అని రాసుకొచ్చాడు. అయితే.. ప్రభాస్ తన 25వ చిత్రాన్ని సందీప్ రెడ్డి వంగా దర్శకత్వంలో చేయనున్న విషయం తెలిసింది. అక్టోబర్ 7, 2021న ప్రకటించిన ఈ చిత్రం పేరు ‘స్పిరిట్’. కాగా.. ప్రభాస్ నటించిన ‘ఆదిపురుష్’ ఈ ఏడాది విడుదల కానుంది. ఆయన ప్రస్తుతం మారుతి దర్శకత్వంలో ‘రాజా డీలక్స్’లో, అలాగే ప్రశాంత్ నీల్ దర్శకత్వంలో ‘సలార్’లో నటిస్తూ బిజీగా ఉన్నాడు.