NTR-Oscar: రెడ్‌ కార్పెట్‌పై ఏం చేయబోతున్నారో తెలుసా?
ABN, First Publish Date - 2023-03-10T15:47:28+05:30
ఆర్‌ఆర్‌ఆర్‌ టీమ్‌ ప్రస్తుతం ఆమెరికాలో సందడి చేస్తున్నారు. ‘ఆస్కార్‌’ ప్రమోషన్స్‌లో బిజీగా ఉన్నారు. షూటింగ్స్‌తో బిజీగా ఉన్న ఎన్టీఆర్‌ కాస్త ఆలస్యంగా అమెరికాకు పయనమయ్యారు.
ఆర్‌ఆర్‌ఆర్‌ (RRR) టీమ్‌ ప్రస్తుతం ఆమెరికాలో సందడి చేస్తున్నారు. ‘ఆస్కార్‌’ (Oscar promotions) ప్రమోషన్స్‌లో బిజీగా ఉన్నారు. షూటింగ్స్‌తో బిజీగా ఉన్న ఎన్టీఆర్‌ కాస్త ఆలస్యంగా అమెరికాకు పయనమయ్యారు. మంగళవారం ఆయన లాస్‌ ఏంజెల్స్‌కు చేరుకున్నారు. ఇప్పటిదాకా రామ్‌చరణ్‌(ram charan), రాజమౌళి (SS rajamouli) అభిమానులను కలుస్తూ పలు షోల్లో పాల్గొన్నారు. ఇప్పుడు తారక్‌ కూడా ప్రమోషన్స్‌తో బిజీగా ఉన్నారు. అక్కడి మీడియాకు ఇంటర్వ్యూలు ఇస్తున్నారు. అమెరికాలో ఓ టాక్‌ షోలో పాల్గొన్న ఆయన రెడ్‌ కార్పెట్‌పై నడవడం గురించి ఆసక్తికర కామెంట్స్‌ చేశారు.
‘‘రెడ్‌ కార్పెట్‌ (oscar red carpet) మీద నడిచేది జూనియర్‌ ఎన్టీఆర్‌ లేదా కొమురం భీమ్‌ అని నేను అనుకోను. అలాగే రాజమౌళి, రామ్‌ చరణ్‌ అని కూడా అనుకోను. రెడ్‌ కార్పెట్‌పై నడిచేటప్పుడు మేమంతా భారతదేశాన్ని మా హృదయాల్లో మోయనున్నాం. నేను ఆ క్షణం కోసం ఎదురుచూస్తున్నాను. ఆస్కార్‌ వేదికపై ‘నాటు నాటు’ పాటను లైవ్‌లో (Natu natu live performence) చూడాలని ఆసక్తిగా ఎదురుచూస్తున్నా. మేము ఆ పాటకు డ్యాన్స్‌ వేస్తామా లేదా అన్నది కచ్చితంగా చెప్పలేను. నాకు, రామ్‌ చరణ్‌కు రిహార్సల్స్‌ చేేస సమయం లేదు. అందుకే మేము ఆస్కార్‌ వేదికపై డ్యాన్స్‌ చేయలేకపోతున్నాం. ఆ పాట ఎప్పుడు విన్నా నా కాళ్లు డాన్స్‌ చేస్తూనే ఉంటాయి’’ అని అన్నారు.
తన వ్యక్తిగత విషయాల గురించి కూడా తారక్‌ మాట్లాడారు. అమెరికాలో ఉండటం వల్ల తన పిల్లల్ని మిస్‌ అవుతున్నట్లు చెప్పారు. ‘‘నేను నటుడిని అని నా పిల్లలకు తెలుసు. కానీ వాళ్లకు ఆస్కార్‌ అంటే ఏంటి.. దాని గొప్పతనం.. ఇలాంటి వాటి గురించి తెలీదు. నేను ఒక రోజు వాళ్లకు ఆస్కార్‌ గురించి, ఆస్కార్‌కు మన సినిమా వెళ్లిందని గొప్పగా చెబుతాను’’అని అన్నారు.