Nithin 32: ఎక్స్‌ట్రా ఆర్డినరీ మేన్‌ ఏం చేస్తాడు?

నితిన్‌ హీరోగా రూపొందుతున్న 32వ (nithin 32) చిత్రానికి టైటిల్‌ ఖరారైంది. వక్కంతం వంశీ దర్శకత్వం (Vakkantham vamsi) వహిస్తున్న ఈ చిత్రానికి ‘ఎక్స్‌ట్రా' అనే టైటిల్‌ పెట్టారు. ‘ఆర్డినరీ మ్యాన్‌’ అనేది ట్యాగ్‌ లైన్‌. శ్రేష్ఠ్‌ మూవీస్‌, ఆదిత్యమూవీస్‌ ఎంటర్‌ టైన్‌మెంట్స్‌, రుచిర ఎంటర్‌టైన్‌మెంట్స్‌ బ్యానర్స్‌పై రూపొందుతోన్న సినిమా ఫస్ట్‌ లుక్‌ను ఆదివారం విడుదల చేశారు. నితిన్‌ సరసన శ్రీలీల కథానాయికగా నటిస్తోంది. ఔట్‌ అండ్‌ ఔట్‌ ఎంటర్‌టైనర్‌గా రానున్న ఈ చిత్రం ఇప్పటికే 60 శాతం చిత్రీకరణను పూర్తి చేసుకుంది. తాజాగా విడుదల చేసిన పోస్టర్‌లో నితిన్‌ రెండు డిఫరెంట్‌ లుక్స్‌లో ఆకట్టుకుంటున్నారు. ఒక దానిలో ఆయన హెయిర్‌ స్టైల్‌, గడ్డంతో సీరియస్‌గా కనిపిస్తున్నారు. అదే పోస్టర్‌లో మరో లుక్‌లో గడ్డం లేకుండా చాలా కూల్‌గా కనిపిస్తున్నారు నితిన్‌. పోస్టర్‌ బ్యాగ్రౌండ్‌లో ఓ సన్నివేశానికి సంబంధించిన స్ర్కిప్ట్‌ కనిపిస్తుంది. అలాగే క్లాప్‌ బోర్డ్‌ కూడా కనిపిస్తుంది. నితిన్‌ లుక్‌ కొత్తగా ఉందని అభిమానులు చెబుతున్నారు. డిసెంబర్‌ 23న ఈ చిత్రాన్ని విడుదల చేయనున్నారు.

దర్శకుడు వక్కంతం వంశీ మాట్లాడుతూ ‘‘ఎక్స్‌ట్రా’క్యారెక్టర్‌ బేస్డ్‌ స్ర్కిప్ట్‌తో.. కిక్‌ తర్వాత ఆ రేంజ్‌ జోన్‌లో తెరకెక్కుతోంది. ఆడియన్స్‌కి రోలర్‌ కోస్టర్‌లాంటి ఎక్స్‌పీరియెన్స్‌నిస్తూ నవ్విస్తూనే సర్‌ప్రైజ్‌లతో సినిమా మెప్పించనుంది’’ అని అన్నారు. ఈ చిత్రానికి హరీస్‌ జైరాజ్‌ సంగీతం అందిస్తున్నారు.