NBK110: బాల‌య్య‌తో.. సుకుమార్ సినిమా? ఫ్యాన్స్ కు పండగే
ABN , First Publish Date - 2023-10-30T21:44:03+05:30 IST
భగవంత్ సింగ్ కేసరి బ్లాక్ బస్టర్ హిట్ తో జోరుమీదున్న నటసింహం బాలయ్య వ‌రుస‌గా మూడోసారి రూ.100 కోట్ల కలెక్షన్ల క్లబ్ లో చేరి ఇప్ప‌టివ‌ర‌కు వేరే హీరోలు అందుకోని ఫీట్ సాధించాడు. బాబీతో తదుపరి సినిమా చేయ‌నున్న బాలయ్య ఆ తర్వాత సుకుమార్ తో ఓ చిత్రం చేయ‌నునట్లు తెలుస్తోంది.
భగవంత్ సింగ్ కేసరి బ్లాక్ బస్టర్ హిట్ తో నటసింహం బాలయ్య జోరుమీదున్నాడు. బ్యాక్ టూ బ్యాక్ అఖండ, వీరసింహారెడ్డి వంటి భారీ హిట్స్ తర్వాత కేసరితో హ్యట్రిక్ హిట్ తో కేరీర్ లో మూడోసారి 100 కోట్ల కలెక్షన్ల క్లబ్ లో చేరి జోష్ లో ఉన్నాడు. ఇప్పుడు అదే స్పీడులో లవకుశ, వాల్తేరు వీరయ్య వంటి హిట్ సినిమాలు అందించిన బాబీ దర్శకత్వంలో తదుపరి సినిమా చేయబోతున్నాడు.
అయితే ఇది ఇంకా పట్టాలెక్కక మునుపే మరో ఆసక్తికర కాంబినేషన్ సెట్ అయినట్లు తెలుస్తోంది. అది కూడా పుష్పతో నేషనల్ వైడ్ పేరు తెచ్చుకున్న సుకుమార్(Sukumar) తో ఈ చిత్రం(NBK110) చేయనున్నాడనే వార్తలు వినిపిస్తున్నాయి. పైపెచ్చు ఈ సినిమా బాలయ్య నటించిన ఓ హిట్ చిత్రానికి సీక్వెల్ గా ఉంటుందని దిల్ రాజు నిర్మించనుండగా, దేవీ శ్రీ ప్రసాద్ సంగీతం అందిచనున్నారని తెలుస్తోంది.
అయితే సుకుమార్ ఈ మధ్య సినిమాలో హీరో క్యారెక్టర్ కు ఓ మ్యానరిజమ్ పెట్టడం అలవాటుగా మారింది. వన్ నేనొక్కడినేలో మహేశ్ బాబుకు మెమరీ లాస్, రంగస్థలంలో రామ్ చరణ్ కు చెవుడు వంటి లక్షణాలు పెట్టగా బాలయ్యను నత్తిగా చూయించనున్నారనే వార్తలు సోషల్ మీడియాలో వైరల్ గా మారాయి. నిజంగా ఈ కాంబినేషన్ కుదిరితే అభిమానులకు పండగే.. మరికొన్ని రోజులైతే గానీ ఈ వార్తలపై క్లారిటీ రాదు. ప్రస్తుతం సుకుమార్ పుష్ప 2 సినిమా షూటింగ్ లో బిజీగా ఉండగా ఆ సినిమా 2024 ఆగస్టు 15 న విడుదల కానుంది. దాని తర్వాతే తన నెక్ట్స్ ప్రాజెక్టు గురించి చెప్పే అవకాశం ఉంది. ఈ లోపు బాబీ , బోయపాటి చిత్రాలు పూర్తి చేసేందుకు బాలకృష్ణ సమాయత్తం అవుతున్నారు.