Rangamarthanda: నన్ను నన్నుగా.. శాస్త్రిగారి పాట విడుదల

క్రియేటివ్ డైరెక్టర్ కృష్ణవంశీ (Krishnavamsi) దర్శకత్వంలో వస్తోన్న ‘రంగమార్తాండ’ (Rangamarthanda) సినిమాలోని ఫస్ట్ సింగల్ నేనొక నటుడ్ని (షాయరీ) విడుదలై మంచి ఆదరణ పొందింది. మెగాస్టార్ చిరంజీవి తనదైన శైలిలో చెప్పిన ఈ షాయరీ‌ను రచయిత లక్ష్మీ భూపాల రచించారు. మాస్ట్రో ఇళయరాజా నేపధ్య సంగీతం అందించారు. తాజాగా ఈ సినిమా నుండి సెకండ్ సింగిల్ ‘నన్ను నన్నుగా’‌ వీడియో సాంగ్‌ (Nannu Nannugaa Video Song)ను మేకర్స్ విడుదల చేశారు. రాహుల్ సిప్లిగంజ్, శివాత్మిక రాజశేఖర్ ఈ సాంగ్ లో నర్తించారు. మాస్ట్రో ఇళయరాజా (Ilaiyaraaja) తనదైన శైలిలో సంగీతం అందించారు. సిరివెన్నెల సీతారామశాస్త్రి (Sirivennela Sitaramasastri)‌ సాహిత్యం అందించారు.

ఈ పాటతో మరోసారి సిరివెన్నెల పేరు మారుమోగుతోంది. తనకే సాధ్యమైన చక్కని సాహిత్యం ఈ పాటకి ఆయన అందించారు. అలాగే ఇళయరాజా మ్యూజిక్ కూడా ఈ పాటని ఓ రేంజ్‌కి తీసుకెళ్లింది. ప్రస్తుతం ఈ పాట యూట్యూబ్‌లో టాప్‌లో ట్రెండ్ అవుతోంది. క్రియేటివ్ డైరెక్టర్ కృష్ణవంశీ ఒక తపస్సులా పూర్తి చేసిన ఈ ‘రంగమార్తాండ’ చిత్రం త్వరలో‌నే థియేటర్స్‌లో విడుదల కానుంది. రంగస్థల కళాకారుల జీవితాల చుట్టూ అల్లిన ఈ కథలో ప్రకాష్ రాజ్ (Prakash Raj), బ్రహ్మానందం, రమ్యకృష్ణ, రాహుల్ సిప్లిగంజ్, శివాని రాజశేఖర్, ఆదర్శ్ బాలకృష్ణ, అలీ రెజ, అనసూయ కీలక పాత్రల్లో నటించారు.