Samantha: హీరోయిన్‌ సూటి ప్రశ్నకు.. సామ్‌ సమాధానం ఏంటంటే.!

అగ్ర కథానాయిక సమంత తన లేటెస్ట్‌ సినిమా ‘శాకుంతలం’ (Shaakuntalam) ప్రమోషన్‌లో బిజీగా ఉన్నారు. హైదరాబాద్‌, ముంబై, చెన్నై ప్రాంతాలకు తిరుగుతూ ప్యాన్‌ ఇండియా స్థాయిలో సినిమాను ప్రమోట్‌ చేస్తున్నారు. మీడియాతో ఆసక్తికర విషయాల పంచుకుంటున్నారు. తాజాగా ఆమె ట్విట్టర్‌ వేదికగా అభిమానులతో ముచ్చటించారు. ఫ్యాన్‌ అడిగిన ప్రశ్నలకు ఆసక్తికర సమాధానాలిచ్చారు. ఆ ఫ్యాన్స్‌లో ‘సీతారామం’ (Sita ramam) ఫేం మృణాల్‌ ఠాకూర్‌ కూడా ఉన్నారు. #ASK SAMANTHAలో ఆమె కూడా సామ్‌తో ముచ్చటించారు.

‘‘సమంత మీరు ఎంతో స్ఫూర్తిదాయకమైన వ్యక్తి. మీరు నటించిన ‘శాకుంతలం’ చిత్రాన్ని చూడటానికి అందరిలాగే నేనూ ఆతురతగా ఎదురుచూస్తున్నా’ అని కామెంట్‌ చేశారు. అంతే కాదు సమంతను (Mrunal thakur question to Samantha) సూటిగా ఓ ప్రశ్న అడిగారు. మనిద్దరం కలిసి సినిమా ఎప్పుడు చేస్తున్నాం’ అని అడిగారు. దీనికి సమంత కూడా స్పందించారు. ‘ముందు ‘గుమ్రా’ అద్భుతంగా ఉంది. కంగ్రాట్‌. నీ ఐడియా బావుంది. తప్పకుండా చేద్దాం’ అని (Samantha) సమాధానమిచ్చారు. ఇప్పుడు వీరిద్దరి సంభాషణ నెట్టింట వైరల్‌ అవుతోంది.

సమంత కథానాయికగా నటించిన ‘శాకుంతలం’ చిత్రానికి గుణశేఖర్‌ దర్శకత్వం వహించారు. ఈ నెల 14 ప్యాన్‌ ఇండియా స్థాయిలో విడుదల కానుంది. ‘సీతారామం’లో సీతగా ప్రేక్షకులను మెప్పించిన మృణాల్‌ ఠాకూర్‌ ప్రస్తుతం నానితో ఓ సినిమా చేస్తున్నారు. నాని హీరోగా నటిస్తున్న 30వ చిత్రమిది. దీనితోపాటు హిందీలో మరో మూడు చిత్రాల్లో నటిస్తున్నారు.