ఆగస్టులో మిస్టర్ ప్రెగ్నెంట్
ABN , First Publish Date - 2023-07-14T23:00:56+05:30 IST
సయ్యద్ సొహైల్ రియాన్ హీరోగా నటిస్తున్న చిత్రం ‘మిస్టర్ ప్రెగ్నెంట్’. రూపా కొడువాయుర్ హీరోయిన్....
సయ్యద్ సొహైల్ రియాన్ హీరోగా నటిస్తున్న చిత్రం ‘మిస్టర్ ప్రెగ్నెంట్’. రూపా కొడువాయుర్ హీరోయిన్. శ్రీనివాస్ వింజనంపాటి దర్శకత్వంలో అన్నపరెడ్డి అప్పిరెడ్డి, రవిరెడ్డి సజ్జల నిర్మిస్తున్నారు. ఈ చిత్రం విడుదల తేదీ ఖరారైంది. ఆగస్టు 18న ఈచిత్రం ప్రేక్షకుల ముందుకు రానుంది. ఈ విషయాన్ని మేకర్స్ బుధవారం తెలిపారు. హీరో గర్భం దాల్చడం అనే కొత్తతరహా కథాంశంతో ఈ చిత్రం తెరకెక్కిస్తున్నారు. వైవిధ్యమైన సినిమాలకు ప్రస్తుతం ఆదరణ దక్కుతుండడంతో ‘మిస్టర్ ప్రెగ్నెంట్’ ఘన విజయం సాధిస్తుందనే నమ్మకం ఉందని నిర్మాతలు తెలిపారు. సుహాసినీ మణిరత్నం, రాజారవీంద్ర, బ్రహ్మాజీ, అలీ, హర్ష నటిస్తున్నారు. ఈ చిత్రానికి సంగీతం: శ్రావణ్ భరద్వాజ్, సినిమాటోగ్రఫీ: నిజార్ షఫీ.