Bala Krishna: నెక్ట్స్‌ నా సినిమాలో శ్రీలీల హీరోయిన్‌గా అంటే.. మోక్షు రియాక్షన్ ఇదే!

ఆదివారం వరంగల్‌లో జరిగిన 'భగవంత కేసరి’ (Bhagavanth kesari) చిత్రం ప్రీ రిలీజ్‌ వేడుకలో శ్రీలీలపై నందమూరి బాలకృష్ణ (NBK)కీలక వ్యాఖ్యలు చేశారు. తనని చిచ్చా చిచ్చా అంటూనే టార్చర్‌ పెట్టిందని సరదాగా అన్నారు. ‘‘నా తదుపరి సినిమాలో శ్రీలీలను (Shree leela)హీరోయిన్‌గా తీసుకోవాలనుకున్నా. అదే విషయాన్ని మా ఇంట్లో చెప్పా. ఆ మాట విని మా అబ్బాయి మోక్షజ్ఞ కోప్పడ్డాడు. ‘నేను హీరోగా ఎంట్రీ ఇవ్వనున్నాను. యువ హీరోని. నువ్వు ఏమో ఆమెకు ఆఫర్‌ ఇస్తావా?’ అని కాస్త ఘాటుగా స్పందించాడు. మోక్షజ్ఞ మాటలకు సమాధానం చెప్పలేకపోయా’’ అని బాలయ్య వేదికగాపై నవ్వులు పూయించారు. తెలుగు అమ్మాయిగా మంచి అవకాశాలు అందుకుంటున్న శ్రీలీల గొప్ప నటి అవుతుంది. ఆమెకు మంచి భవిష్యత్తు ఉంది’ అని బాలకృష్ణ అన్నారు.

ఇదే వేదికపై శ్రీలీల మాట్లాడుతూ భావోద్వేగానికి గురయ్యారు. 'కథ విన్నప్పుడు ఎంతో ఎమోషనల్‌గా అనిపించింది. నా జీవితంలో చూడని అనుభూతిని ఈ సినిమా నాకు అందించింది. ఎన్ని సినిమాలు చేసినా కొన్ని మాత్రమే మన మనసుకు హత్తుకుంటాయి. అలా నా మనసుకు చేరువైన పాత్ర ఇది. కొన్ని సన్నివేశాలు షూట్‌ చేస్తునప్పుడు షాట్‌ అయ్యాక కూడా అదే పాత్రలో ఉండిపోయేదాన్ని. ఇది గొప్ప కథ. అందమైన సందేశం ఉంది. ఇందులో పోషించిన ‘విజ్జి పాప పాత్ర కోసం నన్ను ఎంచుకున్నందుకు దర్శకుడు అనిల్‌గారికి థ్యాంక్స్‌’’ అని అన్నారు.

బాలకృష్ణ, కాజల్‌ జంటగా అనిల్‌ రావిపూడి దర్శకత్వం వహిస్తున్న ఈ చిత్రాన్ని షైన స్క్రీన్ బ్యానర్‌పై సాహు గారపాటి, హరీశ పెద్ది నిర్మిస్తున్నారు. ఇందులో శ్రీలీల కీలక పాత్రలో, అర్జున రాంపాల్‌ ప్రతినాయక పాత్రలో కనిపిస్తారు. దసరా కానుకగా ఈ నెల 19న సినిమా విడుదల కానుంది.