Salaar: ప్రభాస్ సినిమా గురించి చిరు ఏమన్నారు అంటే...
ABN , Publish Date - Dec 23 , 2023 | 09:20 AM
మెగాస్టార్ చిరంజీవి ప్రభాస్ కి అభినందనలు తెలియచెయ్యటమే కాకుండా, 'సాలార్' దర్శకుడు, మలయాళం నటుడు పృథ్విరాజ్ సుకుమారన్ కి మిగతా సాంకేతిక నిపుణలకి తన అభినందనలు తెలియచేసారు.
ప్రభాస్ (Prabhas), ప్రశాంత్ నీల్ (PrashanthNeel) కాంబినేషన్ లో వచ్చిన 'సలార్' #Salaar మొదటి పార్టు #SalaarCeaseFire నిన్న విడుదలైంది. ఈ సినిమాకి మిశ్రమ స్పందన వచ్చింది, కొంతమంది ఈ సినిమా కేవలం ప్రభాస్ అభిమానులకు మాత్రమే అని అంటున్నారు, కొంతమందికి ఇందులో ప్రభాస్ తక్కువ సేపు కనపడటం నచ్చలేదు అని అంటున్నారు. ఈ సినిమా నైజామ్ ఏరియా హక్కులు మైత్రి మూవీ మేకర్స్ సుమారు రూ. 60 కోట్లకు కొన్నారని అంటున్నారు, అలాగే మిగతా తెలుగు రాష్ట్రాల్లో వున్న ఏరియా హక్కులు అన్నీ కలిపి ఇంకో రూ. 60 కోట్ల వరకు వ్యాపారం అయిందని, ఈ సినిమా ఇప్పుడు రూ.120 కోట్లకి పైగా కలెక్టు చెయ్యాలని ట్రేడ్ అనలిస్ట్స్ అంటున్నారు.
అయితే ఈరోజు ఉదయం మెగా స్టార్ చిరంజీవి (MegaStar Chiranjeevi) ఈ సినిమా గురించి తన అభిప్రాయాలని సామజిక మాధ్యమం అయిన 'ఎక్స్' లో పంచుకున్నారు. 'మై డియర్ 'దేవా' ప్రభాస్ కంగ్రాట్యులేషన్స్, సలార్: సీజ్ ఫైర్ బాక్స్ ఆఫీస్ దగ్గర ఫుల్ ఫైర్' అని చెపుతూ ఒక మెసేజ్ పెట్టి, అందులో అందరికీ తన అభినందలని చిరంజీవి తెలియచేసారు. (Chiranjeevi congratulates Prabhas and Salaar team)
అలాగే ఈ చిత్ర దర్శకుడు ప్రశాంత్ నీల్ కి కూడా అభినందనలు చెపుతూ అతనికి మీరు ఇలాంటి సినిమాలతో ఇంకా ఎంతో రాణిస్తారు అని చెప్పారు. ఇక మలయాళం నటుడు పృథ్విరాజ్ సుకుమారన్ కి (Prithviraj Sukumaran) అభినందనలు తెలుపుతూ ఈ చిత్రంలో అతను చేసిన పాత్ర పేరుతో 'వరద రాజ మన్నార్' అతనికి తన ప్రేమని వ్యక్తం చేశారు చిరంజీవి. అలాగే శృతి హాసన్, జగపతి బాబులతో పాటు ఈ సినిమాకి పనిచేసిన సాంకేతిక నిపుణలకి కూడా చిరంజీవి తన అభినందనలని తెలియచేసారు.