Keerthy Suresh: ఖరీదైన బహుమతి... ఎందుకంటే!

మహేశ్‌బాబు ‘సర్కారువారి పాట’ చిత్రంతో హిట్‌ అందుకున్న కీర్తి సురేశ్‌ (Keerthy suresh) ‘దసరా’ (Dasara Movie) చిత్రంతో సందడి చేయడానికి సిద్ధమవుతోంది. ఈ సినిమాతో విజయం సాధిస్తాననే నమ్మకం వ్యక్తం చేస్తున్నారు. ఈ నెల 30న ఈ చిత్రం విడుదల కానుంది. తాజాగా కీర్తికి సంబంధించిన ఓ వార్త నెట్టింట చక్కర్లు కొడుతోంది. సినిమా షూటింగ్‌ పూర్తయిన సందర్భంగా చిత్ర యూనిట్‌కి కీర్తి చక్కని బహుమతులు ఇచ్చిందట. ఈ సినిమాకు పని చేసిన టెక్నీషియన్లకు బంగారు నాణెలు కానుక ఇచ్చినట్లు సమాచారం. దాదాపు 130 మంది టెక్నిషియన్లు ఒక్కొక్కరి కీర్తి గోల్డ్‌ కాయిన్స్‌ పంచిందని జోరుగా ప్రచారం జరుగుతుంది. మరి ఈ వార్తల్లో నిజం ఎంతుంతో తెలియాల్సి ఉంది. కీర్తి గొప్ప మనసు ఫ్యాన్స్‌ ఫిదా అవుతున్నారు. మహానటి తర్వాత నటనకు ఆస్కారం ఉన్న పాత్ర దక్కడం, ఆ పాత్ర పండేలా తెరకెక్కడమే ఆమె బహుమతులు ఇవ్వడానికి కారణం అని తెలుస్తోంది. (keerthy Suresh Costly gift to Dasara team)

ప్రస్తుతం కీర్తి సురేశ్‌ తెలుగు, తమిళ, మలయాళ భాషల్లో ఆరు చిత్రాలతో బిజీగా ఉన్నారు. తెలుగులో చిరంజీవి హీరోగా తెరకెక్కుతున్న ‘భోళా శంకర్‌’ చిత్రంలో చిరంజీవికి చెల్లెలిగా నటిస్తోంది.