Keerthi Suresh: గచ్చిబౌలీలో చక్కర్లు.. తందూరీ ఛాయ్‌!
ABN , First Publish Date - 2023-06-11T17:34:20+05:30 IST
‘భోళాశంకర్‌’ సినిమా పాట షూటింగ్‌తో బిజీగా ఉంది కీర్తి సురేశ్‌. దీని కోసం హైదరాబాద్‌కు వచ్చిన కీర్తిసురేశ్‌ షూటింగ్‌ ప్యాకప్‌ చెప్పాక సరదాగా కాసేపు సిటీలో చక్కర్లు కొట్టారు.
‘భోళాశంకర్‌’ సినిమా పాట షూటింగ్‌తో బిజీగా ఉంది కీర్తి సురేశ్‌. మెహర్‌ రమేశ్‌ దర్శకత్వం వహిస్తున్న ఈ చిత్రంలో చిరంజీవికి ఆమె సోదరిగా కనిపించకున్నారు. ప్రస్తుతం ఓ సంగీత్‌ సాంగ్‌ చిత్రీకరణ జరుగుతోంది. దీని కోసం హైదరాబాద్‌కు వచ్చిన కీర్తిసురేశ్‌ షూటింగ్‌ ప్యాకప్‌ చెప్పాక సరదాగా కాసేపు సిటీలో చక్కర్లు కొట్టారు. తన టీమ్‌తో కలిసి.. గచ్చిబౌలిలోని వరలక్ష్మి టిఫిన్‌ సెంటర్‌కు వెళ్లి అందరితో కలిసి టిఫిన్‌ చేశారు. తర్వాత తనకెంతో ఇష్టమైన తందూరీ టీ తాగారు. దీనికి సంబంధించిన ఫొటోలు ఆమె ఇన్‌స్టాగ్రామ్‌ స్టేటస్‌లో షేర్‌ చేశారు. గ్యాంగ్‌తో వీకెండ్‌ ఎంతో చక్కగా గడిచిందని ఆమె పేర్కొన్నారు. అయితే కీర్తిని ఎవరూ గుర్తించకుండా మాస్క్‌ ధరించి బయటకు వెళ్లారు. ప్రస్తుతం ఈ ఫొటోలు నెట్టింట వైరల్‌ అవుతున్నాయి. చిరంజీవి హీరోగా తెరకెక్కుతున్న ఈ చిత్రం తమిళంలో సూపర్‌హిట్‌ అందుకున్న ‘వేదాళం’కు రీమేక్‌. మెహర్‌ రమేశ్‌ దర్శకుడు. తమన్నా కథానాయిక. ఏకే ఎంటర్‌టైన్‌మెంట్స్‌ పతాకంపై రాంబ్రహ్మం సుంకర నిర్మిస్తున్నారు.
