Adipurush: పర్వత పాదాలు వణికి కదులుతాయి
ABN , First Publish Date - 2023-05-20T16:38:28+05:30 IST
ప్రభాస్‌ శ్రీరాముడిగా నటించిన ప్యాన్‌ ఇండియా చిత్రం ‘ఆదిపురుష్‌’పై రోజురోజుకి అంచనాలు పెరుగుతున్నాయి.
ప్రభాస్‌(Prabhas) శ్రీరాముడిగా నటించిన ప్యాన్‌ ఇండియా చిత్రం ‘ఆదిపురుష్‌’(Adipurush) పై రోజురోజుకి అంచనాలు పెరుగుతున్నాయి. టీజర్‌తో నెగిటివ్‌ టాక్‌ తెచ్చుకున్న ఈ చిత్రం ఇటీవల విడుదలైన ట్రైలర్‌తో పూర్తిగా పాజిటివ్‌ వైబ్స్‌ క్రియేట్‌ చేసుకుంది. ‘అలాగే ‘జై శ్రీరామ్’ ప్రొమోతో కూడా మంచి స్పందన సంపాదించుకుంది. తాజాగా ‘జైశ్రీరామ్‌’ (jai Sriram song) ఫుల్‌ సాంగ్‌ను విడుదల చేశారు. అజయ్-అతుల్ (Ajay -athul)స్వరాలు సమకూర్చిన ఈ పాటకు రామజోగయ్య శాస్త్రి సాహిత్యం అందించారు.
‘‘ఎవరు ఎదురురాగలరు మీ దారికి...
ఎవరికి ఉంది ఆ అధికారం...
పర్వత పాదాలు వణికి కదులుతాయి మీ హుంకారానికి’’
అంటూ ప్రభాస్‌ డైలాగ్‌లో మొదలైన ‘జైశ్రీరామ్‌’ పాట ఆకట్టుకుంటుంది.
జై శ్రీరామ్ జై శ్రీరామ్ రాజా రామ్ ..
నీ సాయం సదా మేమున్నాం.. సిద్ధం సర్వసైన్యం..
సహచరులై సహా వస్తున్నాం.. సకలం స్వామి కార్యం..
మహిమాన్విత మంత్రం నీ నామం"..
అంటూ సాగే ఈ గీతాన్ని అద్భుతమైన ట్యూన్ తో స్వరపరిచారు అజయ్ - అతుల్ ద్వయం. రావణుడితో యుద్ధానికి సన్నద్ధం అవుతున్న సందర్భంలో వచ్చే గీతమిది. శ్రీరామనవమికి విడుదల చేసిన బిట్‌ సాంగ్‌కే అద్భుతమైన స్పందన వచ్చింది. ఇప్పుడీ పాట మరో లెవల్లో ఉండబోతుందని, విజువల్‌గా చూస్తే ఈ ఫుల్‌ సాంగ్‌తో సినిమాలో మమేకం అయ్యిపోతారని చెప్పడంలో సందేహం లేదు’ అని అభిమానులు సోషల్‌ మీడియాలో కామెంట్స్‌ చేస్తున్నారు.
రామాయణ ఇతిహాసగాథ ఆధారంగా దర్శకుడు ఓంరౌత్‌ తెరకెక్కించిన ఈ చిత్రంలో శ్రీరాముడిగా ప్రభాస్‌, సీతగా కృతీసనన్‌, లంకేశ్‌గా సైఫ్‌ అలీఖాన్‌ నటిస్తున్నారు. టి-సిరీస్‌ భూషణ్‌కుమార్‌ నిర్మాత. జూన్‌ 16న ఈ చిత్రం విడుదల కానుంది.