Kamal Haasan: అతన్ని చూస్తే అసూయగా ఉంది!

మణిరత్నం (Maniratnam)అభిమానులు ఎంతగానో ఎదురుచూస్తున్న ‘పొన్నియన్‌ సెల్వన్‌-2’ (Ponniyin Selvan 2) ట్రైలర్‌ వచ్చేసింది. చెన్నైలో జరిగిన కార్యక్రమంలో కమల్‌హాసన్‌ ట్రైలర్‌ను విడుదల చేశారు. అనంతరం ఆయన మణిరత్నంపై సంచలన వ్యాఖ్యలు చేశారు. ‘‘పొన్నియన్‌ సెల్వన్‌ -2 ట్రైలర్‌ కోసం అందరిలాగే నేను ఎదురుచూస్తున్నా. ఇలాంటి చిత్రంలో అవకాశాన్ని కోల్పోకూడదని ఈ సినిమాకు వాయిస్‌ ఓవర్‌ ఇచ్చా. నాకు మణిరత్నాన్ని చూేస్త చాలా అసూయగా ఉంటుంది. ఇంత గొప్ప ఆలోచనలు ఆయనకు ఎలా వస్తాయో నాకు అర్థం కాదు. సినిమా ఎలా ఉండబోతుందనే విషయం ట్రైలర్‌ చూస్తే అర్థమవుతోంది. పాటలు విన్నా. వాటిని వర్ణించడానికి నాకు మాటలు కూడా రాలేనంత అద్భుతంగా ఉన్నాయి. చిత్ర పరిశ్రమలో అవకాశాలు చాలా తక్కువ మందికి వస్తాయి. (I feel jealous seeing Mani Ratnam -Kamal haasan) వచ్చిన అవకాశాలు సద్వినియోగం చేసుకుంటూ ముందుకు వెళ్లాలి. అదే కళాకారుడి సక్సెస్‌’’ అని అన్నారు. గత ఏడాది విడుదలై విజయం సాధించిన ‘పొన్నియిన్‌ సెల్వన్‌’కు సీక్వెల్‌గా ‘పొన్నియిన్‌ సెల్వన్‌ 2’ రూపొందుతున్న సంగతి తెలిసిందే! విక్రమ్‌, కార్తి, జయం రవి, త్రిష, ఐశ్వర్యరాయ్‌ తదితరులు కీలక పాత్రధారులు. ఏప్రిల్‌ 28న ప్యాన్‌ ఇండియా స్థాయిలో ఈ చిత్రం విడుదల కానుంది.