Nagarjuna: నా సామిరంగ.. ‘నాగార్జున’ వ‌ర‌ల‌క్ష్మి వ‌చ్చేసింది
ABN , First Publish Date - 2023-12-04T18:27:16+05:30 IST
నాగార్జున హీరోగా న‌టిస్తున్న కొత్త చిత్రం నా సామిరంగా. నృత్య ద‌ర్శకుడు విజయ్ బిన్ని మొద‌టిసారి ద‌ర్శ‌కుడిగా మారి ఈ చిత్రాన్ని తెర‌కెక్కిస్తుండ‌గా ఈ సినిమా నుంచి తాజాగా మ‌రో అప్డేట్ వ‌చ్చింది. ఈ సినిమాలో క‌థానాయిక‌గా న‌టిస్తున్న క‌న్న‌డ న‌టి అషికా రంగ‌నాథ్ ఫ‌స్ట్ లుక్‌ను రిలీజ్ చేశారు.
నాగార్జున (Akkineni Nagarjuna) హీరోగా న‌టిస్తున్న కొత్త చిత్రం నా సామిరంగా (Naa Saami Ranga). నృత్య ద‌ర్శకుడు విజయ్ బిన్ని మొద‌టిసారి ద‌ర్శ‌కుడిగా మారి ఈ చిత్రాన్ని తెర‌కెక్కిస్తుండ‌గా ఈ సినిమా నుంచి తాజాగా మ‌రో అప్డేట్ వ‌చ్చింది. నాగార్జున 99వ చిత్రంగా వ‌స్తున్న ఈ సినిమాలో క‌థానాయిక‌గా న‌టిస్తున్న క‌న్న‌డ న‌టి అషికా రంగ‌నాథ్(Ashika Ranganath) ఫ‌స్ట్ లుక్‌ను రిలీజ్ చేసి త్వ‌ర‌లోనే సినిమా నుంచి కీర‌వాణి సంగీతంలో ఎత్తుకెళ్లి పోవాల‌నిపిస్తుందే #YethukelliPovalanipisthunde అంటూ సాగే మొద‌టి పాటను విడుద‌ల చేయ‌నున్న‌ట్లు మేక‌ర్స్‌ తెలిపారు.
2019లో మ‌ళ‌యాళంలో వ‌చ్చిన యాక్ష‌న్ థ్రిల్ల‌ర్‌ పొరింజు మరియం జోస్(Porinju Mariam Jose) కు రిమేక్‌గా ఈ చిత్రం రూపొందుతున్న‌ట్లు ఇప్ప‌టికే వార్తలు రాగా ఆ మ‌ధ్య విడుద‌ల చేసిన ఈ చిత్రం గ్లిమ్స్ కూడా ఆ సినిమాలానే క‌నిపించింది. అయితే ఈ సినిమాను జ‌న‌వ‌రి 14 సంక్రాంతికి విడుద‌ల చేయాల‌ని ముందే ఫిక్స్‌ చేయ‌డంతో ఇప్పుడు నిర్మాత‌లు సినిమా ప్ర‌మోష‌న్స్‌ విష‌యంలో వేగం పెంచారు.
ఈ క్ర‌మంలో నిన్న (ఆదివారం 03.12.2023) నాడు ఓ ప్రోమ్ విడుద‌ల చేసి ఈ రోజు సోమ‌వారం హీరోయిన్‌ను ప‌రిచ‌యం చేస్తు మ‌రో గ్లిమ్స్ విడుద‌ల చేశారు. ఈ గ్లిమ్స్‌లో అషికా అచ్చ‌తెలుగు అమ్మాయిలా లంగాఓణిలో క‌నిపిస్తూ త‌న ప్రియుడి కోసం ఎదురు చూస్తూ సిగ్గుప‌డ‌డం, గోడ అవ‌త‌లి నుంచి హీరో చూడ‌డం వంటి స‌న్నివేశాలు అందులో ఉన్నాయి. ఈ చిత్రాన్ని శ్రీనివాస సిల్వర్ స్క్రీన్‌పై శ్రీనివాసా చిట్టూరి నిర్మిస్తుండ‌గా ప్రసన్నకుమార్‌ బెజవాడ మాట‌లు అందిస్తుండ‌గా కీర‌వాణి (mm keeravaani) సంగీతం అందిస్తున్నారు.