Pawan kalyan: OG కోసం ఆమె!
ABN , First Publish Date - 2023-04-01T15:20:24+05:30 IST
పవన్‌కల్యాణ్‌ హీరోగా ‘రన్‌ రాజా రన్‌’, ‘సాహో’ చిత్రాల ఫేం సుజీత్‌ ఓ చిత్రం రూపొందించనున్న సంగతి తెలిసిందే! డి.వి.వి.దానయ్య నిర్మిస్తున్న ఈ చిత్రాన్ని ‘ఓజి’ అనే వర్కింగ్‌ టైటిల్‌తో తెరకెక్కనుంది.
పవన్‌కల్యాణ్‌ (Powerstar Pawan kalyan) హీరోగా ‘రన్‌ రాజా రన్‌’, ‘సాహో’ చిత్రాల ఫేం సుజీత్‌ Sujeeth) ఓ చిత్రం రూపొందించనున్న సంగతి తెలిసిందే! డి.వి.వి.దానయ్య నిర్మిస్తున్న ఈ చిత్రాన్ని ‘ఓజి’ (Original Gangster)అనే వర్కింగ్‌ టైటిల్‌తో తెరకెక్కనుంది. ప్రస్తుతం ప్రీ పొడక్షన్‌ పనులు జరుగుతున్నాయి. ఈ మధ్యనే దర్శకుడు సుజీత్‌ తన బృందంతో కలిసి రెక్కీ నిర్వహించారు. సినిమాకు సంబంధించి ఓ సెట్‌ కూడా రెడీ అయింది. పవన్‌కల్యాణ్‌ షెడ్యూల్‌ ప్రకారం త్వరలో సెట్స్‌ మీదకు తీసుకెళ్లేందుకు సిద్ధమవుతున్నారు. ఈ చిత్రానికి సంబంధించి ఓ వార్త ట్విట్టర్‌లో ట్రెండింగ్‌లో ఉంది. బాలీవుడ్‌లో ఎన్నో చిత్రాలకు అసోసియేట్‌ సినిమాటోగ్రాఫర్‌గా పని చేసిన డిజా షా(Diza Shah) ‘ఓజి’ (OG)చిత్రానికి పని చేయబోతున్నారు. ఈ చిత్రానికి ఛాయగ్రాహకుడిగా పని చేస్తున్న రవి. కె.చంద్రన్‌తో కలిసి ఆమె చేయనున్నారు. గతంలో ఆమె ఎన్నో హిందీ చిత్రాలకు పని చేశారు. ఇప్పుడు ఆమె పవన్‌కల్యాణ్‌ సినిమాకు పని చేయనున్నారు. ఈ విషయంలో పవన్‌ ఫ్యాన్స్‌ ఫేజ్‌లో ట్రెండ్‌ అవుతోంది. రా అండ్‌ రస్టిక్‌ కంటెంట్‌ క్యాప్చరింగ్‌లో డిజా షాకు మంచి అనుభవం ఉంది. ఆ అనుభవం ఈ చిత్రానికి ఉపయోగపడుతుందనే ఉద్దేశంతోనే ఆమెను సంప్రదించినట్లు తెలుస్తోంది. (Dop Diza Shah For OG)
42 లఘు చిత్రాలు తీసిన అనుభవంతో ‘రన్‌ రాజా రన్‌’ సినిమాకు దర్శకుడిగా అవకాశం అందుకున్నారు సుజీత్‌. ఆ చిత్రం విజయం సాధించడంతో రెండో సినిమాకు ఏకంగా ప్రభాస్‌నే డైరెక్ట్‌ చేసే అవకాశం అందుకున్నాడు. వీరిద్దరి కాంబోలో ‘సాహో’ వచ్చింది. భారీ బడ్జెట్‌, అంచనాల మధ్య ప్యాన్‌ ఇండియా స్థాయిలో విడుదలైన ఈ చిత్రం నిరుత్సాహ పరచింది. ఇప్పుడు మూడో చిత్రం తప్పకుండా విజయం సాధిస్తుందని సుజీత్‌ నమ్మకం వ్యక్తం చేస్తున్నారు.