Ram Charan: క్లైమాక్స్ కి సిద్ధం అవుతున్న 'గేమ్ చేంజర్'
ABN , First Publish Date - 2023-04-19T11:44:06+05:30 IST
దర్శకుడు శంకర్ 'ఇండియన్ 2', 'గేమ్ చేంజర్' రెండు సినిమాలను ప్రత్యామ్నాయంగా చేస్తూ రెండింటిని త్వరగానే పూర్తి చెయ్యడానికి చూస్తున్నాడు. ఇప్పుడు ఈ రెండు సినిమాల గురించి ఒక అప్డేట్ ఇచ్చాడు శంకర్.
రామ్ చరణ్ (Ram Charan), శంకర్ (Shankar Shanmugham) కాంబినేషన్ లో వస్తున్న 'గేమ్ చేంజర్' #GameChanger షూటింగ్ జరుగుతున్న సంగతి తెలిసిందే. దర్శకుడు శంకర్ అటు కమల్ హాసన్ (Kamal Haasan) తో 'ఇండియన్ 2' (Indian 2), ఇటు రామ్ చరణ్ తో 'గేమ్ చేంజర్' #GameChanger సినిమాలు ప్రత్యామ్నాయంగా చేస్తున్న సంగతి కూడా తెలిసిందే కదా. అయితే ఇప్పుడు దర్శకుడు శంకర్ సాంఘీక మాధ్యమం ఆధారంగా ఈ రెండు సినిమాల గురించి ఒక పెద్ద అప్డేట్ ఇచ్చాడు.
సౌత్ ఆఫ్రికా లో 'ఇండియన్ 2' #Indian2 సినిమా షూటింగ్ కమల్ హాసన్ తో ఒక షెడ్యూల్ పూర్తి చేసాడు శంకర్. ఇదే విషయాన్ని అయన ట్విట్టర్ వేదికగా చెప్పాడు. కమల్ హాసన్ తో 'ఇండియన్ 2' పూర్తి చేసాక, అతనికి సెండ్ ఆఫ్ ఇచ్చేసాడు శంకర్. మళ్ళీ మే నెలలో కలుద్దాం కమల్ సర్ అని పెట్టాడు శంకర్.
అలాగే అదే సమయం లో నేను ఇంకా 'గేమ్ చేంజర్' షూటింగ్ కి వెళుతున్నాను, అక్కడ క్లైమాక్స్ షూట్ చేసుకోవాలి అని చెప్పాడు శంకర్. అంటే రామ్ చరణ్ సినిమా ఇప్పుడు ఒక్క క్లైమాక్స్ మినహా అంత కంప్లీట్ అయిపోయిందని అనుకోవాలేమో అనిపిస్తోంది. ఇందులో కియారా అద్వానీ (Kiara Advani) కథానాయికగా నటిస్తోంది. ఇంకొక నటి అంజలి (Anjali) కూడా ఇందులో నటిస్తోంది. రామ్ చరణ్ రెండు పాత్రల్లో కనపడ నున్నాడు ఈ సినిమాలో. చీఫ్ ఎలెక్టోరల్ ఆఫీసర్ గా రామ్ చరణ్ కనిపిస్తాడని అంటున్నారు. ప్రముఖ నిర్మాత దిల్ రాజు (Dil Raju) ఈ సినిమాకి నిర్మాత.