Dil Raju: `ఆకాశం దాటి వస్తావా`మ్యూజిక‌ల్ రొమాంటిక్ డ్రామా
ABN , First Publish Date - 2023-07-24T17:45:01+05:30 IST
శిరీష్ స‌మ‌ర్ప‌ణ‌లో దిల్ రాజు ప్రొడ‌క్ష‌న్ బ్యాన‌ర్ నుంచి ప్రొడ‌క్ష‌న్ నెం.2గా రూపొందుతోన్న సినిమాకు ఆకాశం దాటి వస్తావా అనే టైటిల్‌ను ఖ‌రారు చేశారు. కొరియోగ్రాఫ‌ర్ య‌ష్ ఈ సినిమాతో హీరోగా ప‌రిచ‌యం అవుతున్నారు. కార్తీక ముర‌ళీధ‌ర‌న్ హీరోయిన్. ఈ సినిమా టైటిల్ పోస్ట‌ర్‌ను సోమ‌వారం విడుద‌ల చేశారు.
శిరీష్ స‌మ‌ర్ప‌ణ‌లో దిల్ రాజు ప్రొడ‌క్ష‌న్ బ్యాన‌ర్ నుంచి ప్రొడ‌క్ష‌న్ నెం.2గా రూపొందుతోన్న సినిమాకు ఆకాశం దాటి వస్తావా అనే టైటిల్‌ను ఖ‌రారు చేశారు. కొరియోగ్రాఫ‌ర్ య‌ష్ ఈ సినిమాతో హీరోగా ప‌రిచ‌యం అవుతున్నారు. కార్తీక ముర‌ళీధ‌ర‌న్ హీరోయిన్. ఈ సినిమా టైటిల్ పోస్ట‌ర్‌ను సోమ‌వారం విడుద‌ల చేశారు. శ‌శి కుమార్ ముతులూరి ద‌ర్శ‌క్వంలో హ‌ర్షిత్‌, హ‌న్షిత ఈ సినిమాను నిర్మిస్తున్నారు.
దిల్ రాజు మాట్లాడుతూ "ఓ సంద‌ర్భంలో కొరియోగ్రాఫ‌ర్ య‌ష్‌ను చూడ‌గానే బావున్నాడ‌నిపించింది. నా సినిమాలో కొరియోగ్రాఫ‌ర్‌గా అవ‌కాశం ఇస్తాన‌ని అన్నాను. బలగం సినిమా సెట్స్‌పై ఉన్న స‌మయంలో శ‌శిని పిలిచి బలగం త‌ర్వాత మా బ్యాన‌ర్‌లో కొత్త‌వాళ్ల‌తో సినిమా చేయాల‌నుకున్నా. యాష్ కు మంచి ఫ్యాన్ ఫాలోయింగ్ ఉంది. ఆలా ఈ ప్రాజెక్టులోకి యశ్ వచ్చాడు. సింగ‌ర్ కార్తీక్ ఈ సినిమాకు మ్యూజిక్ డైరెక్ట‌ర్‌గా ప‌రిచ‌యం అవుతున్నారు. మ‌హేష్ ఈ సినిమాకు స్టోరి, డైలాగ్స్ అందించారు. యూత్‌ఫుల్ సినిమాను తీసుకొస్తున్నాం. శ‌శి ప‌ర్స‌న‌ల్ లైఫ్ నుంచి ఈ స్టోరీని చేశారు' అని అన్నారు.
డైరెక్ట‌ర్ శ‌శికుమార్ మాట్లాడుతూ ``నేను చేసిన షార్ట్ ఫిల్మ్ చూసి దిల్ రాజుగారు పిలిచారు. ఎవ‌రైనా జీవితంలో అన్నీ బంధాల‌కు ప్రేమ, టైమ్‌, డ‌బ్బుల‌ను స‌మానంగా ఇవ్వాలి. ఈ మూడింటిలో ఏది త‌గ్గినా ఆ రిలేష‌న్‌లో గొడ‌వ‌లు జ‌రుగుతాయి. ఇదే పాయింట్‌తోనే సినిమా చేస్తామ‌ని చెప్పి క‌థ చెప్పాను. రాజుగారికి న‌చ్చ‌టంతో సినిమా సెట్స్‌పైకి వ‌చ్చింది. దిల్ రాజు కొత్త వాళ్ల‌తో చేసిన సినిమాల్లో 99 శాతం స‌క్సెస్‌ల‌ను సాధించాయి. ఇప్పుడు డి.ఆర్‌.పి బ్యాన‌ర్‌లో వ‌చ్చిన తొలి చిత్రం బలగం కూడా పెద్ద హిట్‌. మాది రెండో సినిమా. రాజుగారి జడ్జ్‌మెంట్‌కు ఓ విలువ ఉంది. 'ఆకాశం దాటి వస్తావా' అనేది కూడా ఆయ‌న జ‌డ్జ్‌మెంట్‌. ఇదొక మ్యూజిక‌ల్ రొమాంటిక్ డ్రామా. ఈ సినిమాకు ల‌వ్ అనేది మెయిన్ సోల్. ఈ టైటిల్ పెట్ట‌టానికి కార‌ణం తెలియాలంటే టీజ‌ర్ చూడాల్సిందే. సినిమాలో ఆరు అద్భుతమైన పాట‌లు ఉన్నాయి' అన్నారు.
'ఇదంతా క‌ల లాగానే ఉంది. రాజుగారు ఫోన్ చేసి పిల‌వ‌గానే ఆయ‌న సినిమాలో కొరియోగ్ర‌ఫీ చేయాలేమోన‌ని వెళ్లాను. తీరా హీరో నువ్వేన‌ని చెప్ప‌గానే ఆశ్చ‌ర్య‌పోయాను. ఈ సినిమా ప్రారంభం అయిన‌ప్ప‌టి నుంచి చాలా విష‌యాల‌ను నేర్చుకున్నాను" అని హీరో యశ్ అన్నారు.