VNRTrio: మూవీ లాంచ్‌కు ముఖ్య అతిథి ఎవరో తెలుసా..?

యంగ్ డైరెక్టర్ వెంకీ కుడుముల (Venky Kudumula) నెక్ట్స్ ప్రాజెక్టును ప్రకటించారు. ఈ సినిమాలో నితిన్ (Nithiin), రష్మిక మందన్నా (Rashmika Mandanna) హీరో, హీరోయిన్‌గా చేయనున్నారు. ఈ ముగ్గురు కలసి గతంలో ‘భీష్మ’ (Bheeshma)కు పనిచేశారు. అందువల్ల ఈ కాంబినేషన్‌పై ప్రేక్షకులతో పాటు ట్రేడ్ వర్గాల్లోను భారీ బజ్ ఉంది. ఈ సినిమాను మైత్రీ మూవీ మేకర్స్ భారీ బడ్జెట్‌తో రూపొందించనుంది. ఈ చిత్రం మార్చి 24న పూజా కార్యక్రమాలు జరుపుకొనుంది. ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరు కానున్నారు. ఈ విషయాన్ని తెలుపుతూ చిత్ర నిర్మాణ సంస్థ సోషల్ మీడియాలో ఓ మెసేజ్‌ను షేర్ చేసింది. ‘‘విఎన్‌ఆర్ ట్రైయో గ్రాండ్ లాంచ్‌కు మెగాస్టార్ చిరంజీవి ముఖ్య అతిథిగా హాజరు కానున్నారు. రేపే పూజా కార్యక్రమం’’ అని మైత్రీ మూవీ మేకర్స్ తెలిపింది.

‘భీష్మ’ అనంతరం మెగాస్టార్ చిరంజీవికీ వెంకీ కుడుముల ఓ కథను వినిపించారు. కొంత కాలం స్క్రిఫ్ట్‌పై పనిచేశారు. సినిమాను కూడా ప్రకటించారు. ఏమైందో తెలియదు కానీ ఆ ప్రాజెక్టు మాత్రం పట్టాలెక్కలేదు. అయినప్పటికీ వెంకీ కొత్త ప్రాజెక్టుకు మాత్రం చిరంజీవి ముఖ్య అతిథిగా హాజరు కానుండటం చెప్పుకోదగ్గ విశేషం.

వెంకీ కుడుముల, నితిన్, రష్మిక కలసి మరోసారి పనిచేయబోతుండటంతో మేకర్స్ ఫన్నీ వీడియోను రిలీజ్ చేశారు. ఆ వీడియోలో.. ‘ఎవరి మనోభావాలను మేం దెబ్బతీయట్లేదు. మా మనోభావాలను మేమే దెబ్బతీసుకుంటున్నాం’ అని హెచ్చరించారు. రష్మిక ఈ మధ్య ఎక్కువగా వివాదాల్లో చిక్కుకుంటుండంతో ఆ విషయాన్ని కూడా ప్రస్తావించారు. వెంకీ కుడుముల స్క్రిఫ్ట్ బాగా వచ్చిందని.. రాయడానికి మూడేళ్లు పట్టిందని పేర్కొన్నారు. టైటిల్‌తో పాటు మరిన్ని విషయాలను త్వరలోనే తెలుపుతామన్నారు. ఈ ప్రాజెక్టుకు జీవీ. ప్రకాష్ కుమార్ సంగీతం అందిస్తున్నారు. ఎడిటర్‌గా ప్రవీణ్ పూడి, సినిమాటోగ్రాఫర్‌గా సాయి శ్రీరామ్ బాధ్యతలు నిర్వహిస్తున్నారు.

^^^^^^^^^^^^^^^^^^^^^

ఇవి కూడా చదవండి:

SSMB29: మహేశ్ సినిమా కోసం రాజమౌళి వర్క్‌షాప్స్

Suriya: ముంబైలో లగ్జరీ ఫ్లాట్ కొనుగోలు చేసిన సూర్య.. ధర వింటే షాకే..

Naatu Naatu: పాటపై సంచలన కామెంట్స్ చేసిన కీరవాణి తండ్రి శివశక్తి దత్తా

Pawan Kalyan: నా రెమ్యునరేషన్ రోజుకు రెండు కోట్లు

Allu Arjun: హీరోయిన్‌ను సోషల్ మీడియాలో బ్లాక్ చేసిన బన్నీ!