Chorudu: ఆకర్షణీయంగా ‘చోరుడు’ ఫస్ట్ లుక్

యాక్సెస్ ఫిల్మ్ ఫ్యాక్టరీ‌పై నిర్మాత జి. డిల్లీబాబు నిర్మిస్తోన్న చిత్రం ‘చోరుడు’ (Chorudu). జివి ప్రకాష్ కుమార్ (GV Prakash Kumar), ప్రముఖ దర్శకుడు భారతీరాజా (Bharathiraja), ఇవానా (Ivana) ప్రధాన పాత్రలు పోషిస్తున్నారు. ఇదివరకే దర్శకుడు బాలా ‘ఝాన్సీ’లో జివి ప్రకాష్, ఇవానా ఇద్దరూ స్క్రీన్‌ను పంచుకోవడం విశేషం. ‘చోరుడు’ అడ్వెంచర్, థ్రిల్లర్ మూమెంట్స్‌తో కూడిన కామెడీ డ్రామా. పివి శంకర్ ఈ చిత్రానికి దర్శకత్వం వహించడంతో పాటు సినిమాటోగ్రఫీని కూడా అందిస్తున్నారు. పివి శంకర్, రమేష్ అయ్యప్పన్‌ కలసి కథ & స్క్రీన్‌ప్లే అందించారు. అలాగే రాజేష్ కన్నాతో కలిసి ఇద్దరూ డైలాగ్స్ రాశారు. తాజాగా ఈ సినిమా ఫస్ట్ లుక్ పోస్టర్‌ను స్టార్ హీరో ధనుష్ (Dhanush) విడుదల చేశారు. (Chorudu First Look)

పోస్టర్‌లో ప్రధాన తారాగణం రస్టిక్ గెటప్‌లో కనిపిస్తున్నారు. ఓ భారీ ఏనుగు పాదం పై నిలబడి వున్న ప్రధాన తారాగణం, బ్యాక్‌డ్రాప్‌లోని చెట్లు చూస్తుంటే.. కథ అటవీ నేపథ్యంలో సెట్ చేయబడిందని తెలియజేస్తోంది. ఏనుగు పాదం కింద వున్న రూపాయి కాయిన్ కూడా ఈ లుక్‌లో గమనించవచ్చు. 2023 వేసవిలో సినిమాను విడుదల చేస్తామని మేకర్స్ ప్రకటించారు. ఈ సినిమాకు సంబంధించి షూటింగ్, పోస్ట్ ప్రొడక్షన్ పనులు ఇప్పటికే పూర్తయ్యాయి. త్వరలోనే మేకర్స్ ట్రైలర్, ఆడియో, సినిమా విడుదల తేదీలను తెలియజేయనున్నారు. (Chorudu Movie Update)