Sreeleela: ‘ఎన్‌బీకే 108’ లో అడుగు పెట్టిన ‘ధమాకా’ బ్యూటీ..!

టాప్ డైరెక్టర్ అనిల్ రావిపూడి (Anil Ravipudi) దర్శకత్వంలో నటసింహం నందమూరి బాలకృష్ణ (Nandamuri Balakrishna) ఓ సినిమా చేస్తున్న సంగతి తెలిసిందే. షైన్ స్క్రీన్స్ భారీ బడ్జెట్‌తో రూపొందిస్తుంది. ఈ ప్రాజెక్టు వర్కింగ్ టైటిల్‌గా ‘ఎన్‌బీకే 108’ (NBK 108) అని వ్యవహరిస్తున్నారు. ఈ చిత్రంలో శ్రీ లీల (Sreeleela) ఓ కీలక పాత్ర పోషిస్తోన్న సంగతి తెలిసిందే. ఈ సినిమా సెట్స్‌లోకి తాజాగా ఆమె అడుగుపెట్టింది. మేకర్స్ అందుకు సంబంధించిన స్టిల్‌ను విడుదల చేశారు.

‘‘మోస్ట్ టాలెంటెడ్, ఎనర్జిటిక్ నటి శ్రీలీల ‘ఎన్‌బీకే 108’ సెట్స్‌లోకి అడుగుపెట్టింది. ఈ ప్రయాణం కోసం ఎంతో ఆసక్తిగా ఎదురు చూస్తున్నాను. ఇది మా అందరికి ఎంతో ప్రత్యేకమైనది’’ అని అనిల్ రావిపూడి సోషల్ మీడియాలో పోస్ట్ పెట్టారు. మేకర్స్ విడుదల చేసిన ఫొటోలో శ్రీ లీల, బాలయ్య చేతులు పట్టుకుని కనిపించారు. ఆమె ఈ సినిమాలో బాలకృష్ణ కూతురి పాత్రను పోషిస్తోంది. ఈ చిత్రం గురించి అనిల్ గతంలోనే కొన్ని విషయాలను ప్రేక్షకులతో పంచుకున్నారు. అర్జున్ రెడ్డి తరహాలో ‘ఎన్‌బీకే 108’ క్యారెక్టర్ బేస్డ్ చిత్రమని ఆయన తెలిపారు. గతంలో ఎప్పుడు చూడని విధంగా బాలయ్యను ఈ సినిమాలో చూస్తారని పేర్కొన్నారు. తెలంగాణ యాసలో నటసింహం మాట్లాడతారని చెప్పారు. ఆయన చెప్పినట్టుగానే బాలకృష్ణ‌ను కొత్తగా చూపిస్తున్నట్టు తెలుస్తోంది. అందులో భాగంగానే చేతికి టాటూతో బాలయ్య కనిపించారు.

‘ఎన్‌బీకే 108’ కు ఎస్‌ఎస్. థమన్ మ్యూజిక్ డైరెక్టర్‌గా పనిచేస్తున్నారు. రామ్ ప్రసాద్ సినిమాటోగ్రాఫర్‌గా, తమ్మిరాజు ఎడిటర్‌గా, రాజీవ్ ప్రొడక్షన్ డిజైనర్ గా వ్యవహరిస్తున్నారు. ఈ సినిమాకు ‘ఐ డోంట్ కేర్’ అనే టైటిల్ ప్రచారంలో ఉంది. దసరా కానుకగా చిత్రాన్ని విడుదల చేయాలనే ఆలోచనలో మేకర్స్ ఉన్నారు.

^^^^^^^^^^^^^^^^^^^^^

ఇవి కూడా చదవండి:

Ram Charan: ‘ఆర్‌సీ15’ కోసం పలు టైటిల్స్ రిజిస్ట్రేషన్ చేయించిన మేకర్స్..!

Ram Charan: మెగా పవర్ స్టార్ హాలీవుడ్ సినిమా!

Jr NTR: ధనుష్, వెట్రిమారన్‌ సినిమాపై తారక్ క్లారిటీ..

Krithi Shetty: స్టార్ హీరో చిత్రం నుంచి కృతిని తప్పించిన డైరెక్టర్.. హీరోయిన్‌‌ ఛాన్స్ ఎవరికంటే..?

RRR: ఇంటర్నేషనల్ అవార్డ్స్‌లో టామ్ క్రూజ్, బ్రాడ్ పిట్‌లతో పోటీ పడుతున్న రామ్ చరణ్, తారక్