Chiranjeevi: తమ్ముడి పాట మస్తుందిలే.. ఇది శాంపిల్‌ మాత్రమే
ABN , First Publish Date - 2023-07-17T10:36:54+05:30 IST
మెగాస్టార్‌ చిరంజీవి మరో లీక్‌ ఇచ్చారు. ఈ మధ్యకాలంలో ‘చిరులీక్స్‌’ పేరుతో ఆయన నటించే చిత్రాలకు సంబంధించిన క్రేజీ అప్‌డేట్‌లను ఇస్తున్న సంగతి తెలిసిందే. ఇప్పుడు ‘భోళాశంకర్‌’(Bhola Shankar) లోని ఓ ఆసక్తికర విషయాన్ని ఆయన లీక్‌ చేశారు. ఈ సినిమాలో తన తమ్ముడు పవన్‌కల్యాణ్‌లా సందడి చేయనున్నట్లు తెలిపారు.
మెగాస్టార్‌ చిరంజీవి(Chiranjeevi) మరో లీక్‌ ఇచ్చారు. ఈ మధ్యకాలంలో ‘చిరులీక్స్‌’ పేరుతో ఆయన నటించే చిత్రాలకు సంబంధించిన క్రేజీ అప్‌డేట్‌లను ఇస్తున్న సంగతి తెలిసిందే. ఇప్పుడు ‘భోళాశంకర్‌’(Bhola Shankar) లోని ఓ ఆసక్తికర (Chiru Leaks) విషయాన్ని ఆయన లీక్‌ చేశారు. ఈ సినిమాలో తన తమ్ముడు పవన్‌కల్యాణ్‌లా సందడి చేయనున్నట్లు తెలిపారు. ఇందలో పవన్‌కల్యాణ్‌ని ఇమిటేట్‌ చేసినట్లు తెలిపారు. ఈ మేరకు ఓ వీడియో ట్విట్టర్‌లో పోస్ట్‌ చేసి ‘భోళాశంకర్‌’లోని ఓ సన్నివేశం వెనకున్న విషయాన్ని వివరించారు. ‘‘హాయ్‌ ఫ్రెండ్స్‌ మీ కోసం ‘భోళా శంకర్‌’ నుంచి చిన్న విషయాన్ని లీక్‌ చేస్తున్నా. ఈ విషయం తెలిస్తే మెహర్‌ రమేశ్‌ గొడవ చేసేస్తాడు. అయినా ఏం ఫర్వాలేదు. విషయం ఏంటంటే...
‘‘కల్యాణ్‌బాబు తన చిత్రాల్లో అప్పుడప్పుడూ నా ప్రస్తావన తీసుకొస్తూ, నా డ్యాన్సులకి స్టెప్పులేస్తుంటాడు. నా డైలాగులను ఇమిటేట్‌ చేసి ఎంతగానో ఎంటర్‌టైన్‌ చేశాడు. అలాగ నేను ఈ చిత్రంలో తనని ఇమిటేట్‌ (ChiruAspawankalyan) చేస్తూ, తన పాటకి స్టెప్పులేయడం జరిగింది. అవి తప్పకుండా మిమ్మల్ని ఎంటర్‌టైన్‌ చేస్తాయని అంటూ ‘ఖుషి’ సినిమాలోని ‘యే మేరా జహా...’ పాటలో పవన్‌ మేనరిజమ్‌ని (Chiranjeevi as pawan kalyan) అనుకరించిన ఓ సన్నివేశాన్ని పంచుకున్నారు. ‘హా.. హా.. అంటూ ‘తమ్ముడి పాట మస్తుందిలే...’ దీనిని పూర్తి స్థాయిలో సినిమాలో చూడండి. ఇది శాంపిల్‌ మాత్రమే. దయ చేసి ఎవరికీ చెప్పొద్దు. మన మధ్యే ఉండాలి’’ అంటూ చిరు షేర్‌ చేసిన వీడియో నెట్టింట వైరల్‌ అవుతోంది. మెహర్‌ రమేశ్‌ దర్శకత్వంలో రూపొందుతున్న ఈ చిత్రంలో తమన్నా కథానాయిక. కీర్తిసురేశ్‌ చిరంజీవికి చెల్లెలిగా నటిస్తోంది. ఆగస్ట్‌ 11న ఈ చిత్రం విడుదల కానుంది.