Chiru Leaks: ఆ ఆనందాన్ని అభిమానులతో కూడా పంచుకోవాలనే..

చిరంజీవి (Chiranjeevi) సోషల్‌ మీడియాలో అడుగుపెట్టింటి మొదలు మరింత యాక్టివ్‌ అయ్యారు. అభిమానులకు మరింత చేరువగా ఉంటున్నారు. ఏ విషయం గురించి అయినా ట్విట్టర్‌ వేదికగా అభిమానులతో పంచుకుంటున్నారు. అప్పుడప్పుడు ఆయన చిత్రాలకు సంబంధించి లీక్స్‌ (Chiru Leaks) కూడా ఇస్తున్నారు. గతంలో కూడా ‘గాడ్‌ ఫాధర్‌’, ‘వాల్తేరు వీరయ్య’ చిత్రాల్లో ఆసక్తికర విషయాలను ట్విట్టర్‌లో లీక్‌ చేశారు. ఇప్పుడు ‘భోళా శంకర్‌’ (Bhola Shankar) విషయంలోనూ అదే చేశారు. ఈ మేరకు ట్విట్టర్‌లో ఓ ఆడియో వదిలారు చిరంజీవి.

'హాయ్‌ ఫ్రెండ్స్‌ ‘భోళా శంకర్‌’ సాంగ్‌ షూటింగ్‌ జరుగుతోంది. సంగీత్‌కు సంబంధించిన పాట ఇది. పాట, సెట్‌, అంతా చాలా బాగున్నాయి. సినిమాలో ఉన్న ఆర్టిస్ట్‌లు అందరూ ఈ పాటలో కనిపిస్తారు. చాలా హుషారుగా, ఆహ్లాదకరంగా ఉంది. నాతో పాటు నా ఫ్యాన్స్‌తో కూడా పంచుకోవాలనుంది. దీనికి సంబంధించి లీక్‌ చేద్దామా అనిపించింది. టీమ్‌ ఎవరికీ ఈ విషయం తెలీదు. సాంగ్‌ షూట్‌లో కొన్ని షాట్స్‌ ఎడిట్‌ చేసి ఈరోజు సాయంత్రం 5 గంటలకు ఇన్‌స్టాలో పోస్ట్‌ చేస్తున్నా. అందరూ చూసి ఎంజాయ్‌ చేయండి. హే ఇది చిరు లీక్స్‌ ఎవరికీ చెప్పకండి’’ అని చిరంజీవి వాయిస్‌లో పేర్కొన్నారు.

దీనికి సంబంధించి చిరంజీవి ఓ ఫుటేజ్‌ వదిలారు. సెట్‌ గ్రాండియర్‌గా ఉంది. ఆర్టిస్ట్‌లు అందరూ సందడి చేశారు. తమన్నా, కీర్తి సురేశ్‌లను చిరు  సరదాగా ఆట పట్టించారు. ‘జామ్‌ జామ్‌ జామ్‌ జజ్జనక.. తెల్లార్లు ఆడుదాం తయ్యితక్క’’ అంటూ సాగే పాటకు చిరంజీవి స్టెప్పులేశారు. శేఖర్‌ మాస్టర్‌ ఈ పాటకు కొరియోగ్రఫీ చేశారు. మెహర్‌ రమేశ్‌ దర్శకత్వం వహిస్తున్న ఈ చిత్రంలో తమన్నా కథానాయిక. కీర్తి సురేశ్‌ చిరుకి చెల్లెలిగా నటిస్తున్నారు.