Waltair Veerayya: 154 ఆటోలతో కర్ణాటకలో మెగాస్టార్ ఫ్యాన్స్ హంగామా.. వీడియో వైరల్

మెగాస్టార్‌ చిరంజీవి (Megastar Chiranjeevi)కి ఉండే ఫ్యాన్ ఫాలోయింగ్‌ గురించి ప్రత్యేకంగా చెప్పాల్సిన పని లేదు. ఆయన కేవలం తెలుగు రాష్ట్రాల్లో (Telugu states) అయితే ఆయన సినిమా విడుదలైతే అభిమానులు (Fans) పండగ చేసుకుంటారు. ఆయనకి తెలుగు రాష్ట్రాల్లోనే కాకుండా ఇతర ప్రాంతాల్లోనూ మంచి పాపులారిటీ ఉంది. దానికి ఈ వీడియోనే నిదర్శనం. ఆయన తాజాగా నటించిన చిత్రం ‘వాల్తేరు వీరయ్య’. సంక్రాంతి కానుకగా జనవరి 13న ప్రపంచవ్యాప్తంగా విడుదలైంది.

ఈ తరుణంలో కర్ణాటకలో ఆయన ఫ్యాన్స్ 154 ఆటోలతో ర్యాలీ తీశారు. వాటి మీద చిరంజీవి సినిమాల పోస్టర్లతో ఆయన అభిమానులు హంగామా చేశారు. ఈ వీడియో ప్రస్తుతం నెట్టింట హల్‌చల్ చేస్తోంది. కాగా నేడు విడుదలైన ‘వాల్తేరు వీరయ్య’ మాస్ యాక్షన్, కామెడీతో తెరకెక్కిన ఈ సినిమా థియేటర్ల వద్ద మాస్ టాక్‌తో దూసుకెళుతోంది. కాగా వాల్తేరు వీరయ్యలో శృతి హాసన్‌ హీరోయిన్‌గా నటించగా.. మాస్‌ మహారాజా రవితేజ కీ రోల్‌ పోషించాడు. మైత్రీ మూవీ మేకర్స్‌ నిర్మించిన ఈ చిత్రానికి దేవిశ్రీ ప్రసాద్‌ సంగీతం అందించాడు.