MegaStarChiranjeevi: వారం రోజుల నుంచి భారీ యాక్షన్...
ABN , First Publish Date - 2023-04-24T16:32:18+05:30 IST
గత వారం రోజుల నుండి చిరంజీవి 'భోళాశంకర్' సినిమా షూటింగ్ లో ఒక భారీ పోరాట సన్నివేశాన్ని చిత్రీకరిస్తున్నారు. ఈ వయసులో కూడా డూప్ లేకుండా చిరంజీవి ఇంత పెద్ద యాక్షన్ సన్నివేశం చేస్తున్నారు అంటే...
మెగాస్టార్ చిరంజీవి (MegaStar Chiranjeevi) 'భోళాశంకర్' (Bholaa Shankar) సినిమా షూటింగ్ లో బిజీ గా వున్నాడు. దీనికి మెహెర్ రమేష్ (Meher Ramesh) దర్శకుడు కాగా, ఏకె ఎంటర్ టైన్ మెంట్ (AK Entertainments) చెందిన అనిల్ సుంకర (Anil Sunkara) నిర్మిస్తున్నాడు. ఈ సినిమాలో శ్రియ శరన్ (Shriya Saran) ఒక స్పెషల్ సాంగ్ చేస్తోందన్న వార్త కూడా బాగా వైరల్ అయిన విషయం తెలిసిందే. అయితే గత వారం రోజుల నుండి చిరంజీవి ఈ సినిమా షూటింగ్ చేస్తూ ఎటువంటి సన్నివేశం చేస్తున్నారో తెలుసా.
చిరంజీవి ఈ సినిమాలో ఒక పెద్ద యాక్షన్ సీన్ వుంది, దాని కోసమని కొంతమంది ఫైటర్స్ తో గత వారం నుండి పోరాడుతున్నాడు అని యూనిట్ సభ్యులు చెపుతున్నారు. ఈ యాక్షన్ సీన్ సినిమా మొత్తానికే పెద్ద హైలైట్ గా ఉంటుందని కూడా చెపుతున్నారు. ఇది అజిత్ (Ajith) నటించిన 'వేదాలమ్' (Vedhalam) తమిళ సినిమాకి రీమేక్ చేస్తున్నారు.
ఇందులో తమన్నా (Tamannah Bhatia) కథానాయకురాలు కాగా, కీర్తి సురేష్ (Keerthy Suresh) చిరంజీవి కి చెల్లెలు పాత్రలో కనిపించనుంది. ఈ సినిమా ఆగస్టు 11 (August 11) న విడుదల చెయ్యడానికి అన్ని సన్నాహాలు చేస్తున్నారు. 67 ఏళ్ల చిరంజీవి ఈ వయసులో కూడా డూప్ లేకుండా ఈ భారీ యాక్షన్ సన్నివేశాన్ని చిత్రీకరించటం లో నిమగ్నమయి వున్నాడు అంటే, అతను ఎంత కష్టపడుతున్నాడు అన్నది స్పష్టం అవుతోంది. ఈ యాక్షన్ సన్నివేశం అయ్యాక పాటల చిత్రీకరణ జరగవచ్చు అని చెపుతున్నారు. ఇందులో మురళి శర్మ, సాయాజీ షిండే, బ్రహ్మాజీ, వెన్నెల కిశోరె, రవి శంకర్, సుశాంత్ తో పాటు ఇంకా చాలామంది నటులు వున్నారు.