Allu Arjun : సెల్ఫీ వీడియో క్రేజ్‌ మామూలుగా లేదు.. టార్గెట్‌ 30 వేలు!

ఐకాన్  స్టార్ అల్లు అర్జున్ (Allu arjun) కు ఉన్న క్రేజ్‌ గురించి ప్రత్యేకంగా చెప్పక్కర్లేదు. అతనికి ఫాలోయింగ్‌ ఓ రేంజ్‌లో ఉంటుంది. సోషల్‌ మీడియాలో అత్యధిక ఫాలోయర్లు ఉన్న హీరో బన్నీ. ఇప్పుడు ఆయనకు 23.5 మిలియన్ల మంది ఫాలోవర్లు ఉన్నారు. ‘పుష్ప’ మూవీ బ్లాక్‌ బస్టర్‌ హిట్‌ అయ్యాక, బన్నీ ఫ్యాన్  బేస్‌ రెట్టింపు అయింది. తాజాగా ఆయన ఓ అభిమాని కోసం క్రేజీ వీడియో చేశారు. గురువారం ఉదయం తెలంగాణ అసెంబ్లీ ఎన్నికల నేపథ్యంలో ఆయన ఉదయాన్నే పోలింగ్‌ బూతకి వెళ్లి ఓటు హక్కును వినియోగించుకున్నారు. పోలింగ్‌ సెంటర్‌ లో అందరినీ విష్‌ చేస్తూ తన ఓటు వేసి వెళ్లబోయారు. అప్పుడే బన్నీని అశ్విని అనే ఓ ఫ్యాన్‌ కలిసింది. అంతేకాదు, ఇద్దరూ కలిసి ఓ సెల్ఫీ వీడియో కూడా తీసుకున్నారు. ఇందులో ఆయన మాట్లాడిన మాటలు ఫన్నీగా ఉన్నాయి. ఈ వీడియోతో ఆమెకు సోషల్‌ మీడియాలో పెద్ద సంఖ్యలో ఫాలోవర్లు పెరుగుతారని చెప్పారు. సెల్ఫీ వీడియో 9Video viral) తీస్తూ బన్నీ.. ‘‘నీకు ఎంతమంది ఫాలోవర్లు కావాలి? ఇప్పుడు ఎంత మంది ఉన్నారు?’’ అని అడిగారు. దానికి అశ్విని ‘‘13 వేల మంది ఉన్నారు’’ అని చెప్తుంది. ‘‘మినిమమ్‌ ఇప్పుడు ఎంతకి టచ్‌ అవ్వాలి అనుకుంటున్నావు’’ అని అడిగాడు. ‘‘30 వేలకు టచ్‌ కావాలి అనుకుంటున్నాను’’ అంది. ‘‘30 వేలు కావాలా? ఈ వీడియోతో వస్తారా? అంటూ నవ్వుతూ ఆ వీడియో తీశారు బన్నీ.

ఈ వీడియోను ఆ అమ్మాయి సోషల్‌ మీడియాలో పోస్టు చేయగానే వైరల్‌ అయింది. ట్విట్టర్‌ లోనూ ట్రెండ్‌ అవుతోంది. అశ్విని ఈ వీడియోను పోస్ట్‌ చేసే సమయానికి అశ్విని ఫాలోయర్ల సంఖ్య 13 వేలు. ఈ వీడియో పోస్టు చేసిన తర్వాత పెద్ద సంఖ్యలో ఫాలోవర్లు పెరిగారు. పది గంటల్లో 13 వేల నుంచి 22 వేలకు ఫాలోయర్లకు పెరిగింది.