Bigg Boss 7 : నువ్వు పెద్ద పిస్తానా.. కడిగి పారేసిన నాగ్‌!
ABN , First Publish Date - 2023-09-23T18:33:47+05:30 IST
బిగ్‌బాస్‌ సీజన్‌-7లో మూడో వీకెండ్‌కు వచ్చేసింది. నాగార్జున ఇంటి సభ్యులతో కలిసి ముచ్చటించడానికి సిద్దమయ్యారు. దీనికి సంబంధించిన ప్రొమోను బిగ్‌బాస్‌ నిర్వాహకులు విడుదల చేశారు. గడిచిన వారంలో హౌస్‌లో జరిగిన విషయాలపై హోస్ట్‌ నాగార్జున మాట్లాడారు.
బిగ్‌బాస్‌ సీజన్‌-7లో (BiggBoss 7) మూడో వీకెండ్‌కు వచ్చేసింది. నాగార్జున ఇంటి సభ్యులతో కలిసి ముచ్చటించడానికి సిద్దమయ్యారు. దీనికి సంబంధించిన ప్రొమోను బిగ్‌బాస్‌ నిర్వాహకులు విడుదల చేశారు. గడిచిన వారంలో హౌస్‌లో జరిగిన విషయాలపై హోస్ట్‌ నాగార్జున మాట్లాడారు. అమర్‌దీప్‌కు క్లాస్‌ పీకడం మొదలుపెట్టారు నాగార్జున. ‘అసలు నీకోసం ఆడుతున్నావా.. ప్రియాంక కోసం ఆడుతున్నావా’ అంటూ అమర్‌దీప్‌ను నాగ్‌ ప్రశ్నించారు. దీనికి అమర్‌ సమాధానం చెప్పలేక నీళ్లు నములుతూ నా కోసమే’ అని చెప్పాడు.
థర్డ్‌ పవర్‌ అస్త్ర కోసం జరిగిన పోటీలో ప్రియాంక, శోభాశెట్టి కలిసి ప్రిన్స్‌ యావర్‌ను అనర్హుడిగా ప్రకటించారు. దీనిని సీరియస్‌గా తీసుకున్న నాగ్‌ వారిపై ప్రశ్నల వర్షం కురిపించారు. హౌస్‌లో సంచాలకుడిగా ఉన్న సందీప్‌ను ‘నీకు ఆట అర్ధమైందా? అని ప్రశ్నించారు. ూఎవర్ని ఎలిమినేట్‌.. చేయాలి... ఎవర్ని చేయకూడదు అన్న క్లారిటీ లేదా? అసలు నువ్వు కంటెండర్‌వి కాదు. నిన్నెందుకు పిలుస్తారు? నువ్వు పెద్ద పిస్తావా’ అంటూ అసహనం వ్యక్తం చేశారు. సందీప్‌ సంచాలక్‌గా విఫలం అయ్యాడు అన్నవారిని చేతులు ఎత్తమని ఆదేశించారు. కొందరు చేతులు ఎత్తడంతో బ్యాటరీని డౌన్‌ చేయమని నాగార్జున గట్టిగా చెప్పారు. తాజాగా విడుదల చేసిన ప్రొమో అలరిస్తోంది.