VS11 - Anjali: రత్నమాల మాస్‌ లుక్‌...
ABN , First Publish Date - 2023-06-16T19:58:19+05:30 IST
మాస్‌ కా దాస్‌ విశ్వక్‌సేన్‌ కథానాయకుడిగా సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంస్థలు నిర్మిస్తున్న ‘విఎస్‌11’. శుక్రవారం అంజలి పుట్టిన రోజు సందర్భంగా ఆమె ఫస్ట్‌ లుక్‌ను విడుదల చేశారు. ఈ సినిమాలో ఆమె రత్నమాలగా కనిపించనున్నారు.
మాస్‌ కా దాస్‌ విశ్వక్‌సేన్‌ (Vishwak sen) కథానాయకుడిగా సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ సంస్థలు నిర్మిస్తున్న ‘విఎస్‌11’. (Vshwak sen 11) కృష్ణ చైతన్య (Krishna chaitanya)దర్శకత్వం వహిస్తున్నారు. పక్కా యాక్షన్‌ డ్రామాగా రూపొందుతున్న ఈ చిత్రంలో విశ్వక్‌సేన్‌ క్రూరమైన పాత్ర పోషిస్తున్నారు. ఇందులో తెలుగమ్మాయి అంజలి కీలక పాత్ర పోషిస్తున్నారు. శుక్రవారం అంజలి పుట్టిన రోజు సందర్భంగా ఆమె ఫస్ట్‌ లుక్‌ను విడుదల చేశారు. ఈ సినిమాలో ఆమె రత్నమాలగా కనిపించనున్నారు. తాజాగా విడుదల చేసిన ఆమె లుక్‌ ఆసక్తికరంగా ఉంది. చీరకట్టులో మాస్‌ లుక్‌లో అలరిస్తోంది అంజలి. ఇప్పటికే విడుదలైన విశ్వక్‌ ేసన్‌ గంగానమ్మ జాతర, రాగ్స్‌ టు రిచ్స్‌ పోస్టర్లు విశేషంగా ఆకట్టుకొని సినిమాపై అంచనాలను పెంచేశాయి. ఇతర వివరాలు త్వరలో తెలియజేస్తామని నిర్మాతలు తెలిపారు. యువన్‌ శంకర్‌ రాజా సంగీతం ఈ చిత్రానికి ప్రత్యేక ఆకర్షణ అని చిత్ర యూనిట్‌ చెబుతోంది. సూర్యదేవర నాగవంశీ, సాయి సౌజన్య ఈ చిత్రానికి నిర్మాతలు.