AkhilAkkineni: ఏజెంట్ వైఫల్యంపై అఖిల్ సంచలన నోట్, సురేందర్ రెడ్డి పేరు కావాలనే మిస్ చేసాడా?

'ఏజెంట్' #Agent సినిమా విడుదల అయి దగ్గరదగ్గరగా మూడు వారాలు అవుతున్న తరువాత అఖిల్ అక్కినేని (AkhilAkkineni) ఒక నోట్ ను సాంఘీక మాధ్యమం లో విడుదల చేసాడు. ఇందులో తన అభిమానులను, మంచికోరే వారిని ఉద్దేశించి రాసాడు. 'ఏజెంట్' #Agent సినిమాకి పని చేసిన నటీనటులు, సాంకేతిక నిపుణలకి అందరికీ థాంక్స్ చెప్పాడు, ఎందుకంటే ఆ సినిమా బయటకి రావటానికి వీళ్ళ కృషి ఎంతో వుంది అని. అలాగే ఈ సినిమా కోసం అందరూ తమ బెస్ట్ వర్క్ చేసారు, ఇచ్చారని, కానీ ఆ సినిమా స్క్రీన్ మీద అంతగా కనపడలేదని, ఒక మంచి సినిమా ఇవ్వలేకపోయాను అని చెప్పాడు.

అలాగే నిర్మాత అనిల్ సుంకర (AnilSunkara) కి స్పెషల్ థాంక్స్ చెప్పాడు అఖిల్, ఎందుకంటే అతనే తనకి ఒక పెద్ద సపోర్ట్ సిస్టం అని చెప్పాడు. అలాగే ఈ సినిమాని నమ్మి తీసుకున్న డిస్ట్రిబ్యూటర్స్ కి, మీడియా వాళ్లందరికీ కూడా అఖిల్ థాంక్స్ చెప్పాడు అఖిల్. అభిమానులు ఇచ్చిన ప్రేమ, ఎనర్జీ వల్ల ఇంత పని చెయ్యగలుగుతున్నాని అని, అందుకని మనస్ఫూర్తిగా అందరికీ థాంక్స్ అని చెప్పాడు. చివరగా నన్ను నమ్మిన వాళ్ళకి నేను చెప్పేదే ఏంటంటే, మళ్ళీ ఒక స్ట్రాంగ్ సినిమాతో మీ ముందుకు వస్తాను అని చెప్పాడు.

ఇదంతా అఖిల్ చెప్పాడు బాగానే వుంది, కానీ ఇందులో ఒకరి పేరు మిస్సయింది కదా! అదేనండి దర్శకుడు సురేందర్ రెడ్డి (SurenderReddy) పేరు. ఏంటి కావాలనే అఖిల్ మిస్ చేశాడా, లేదా నటీనటులు, సాంకేంతిక వర్గం అన్నాను కదా అందులో ఎక్కడో ఉంటాడు అని అనుకున్నాడో ఏంటో, మరి సురేందర్ రెడ్డి పేరు అయితే ఎక్కడ లేదు. చూస్తుంటే కావాలని చేసినట్టుగానే వుంది. ఇది ఇంక సాంఘీక మాధ్యమం లో చర్చలకు దారితీస్తుందేమో.

కొన్ని రోజుల క్రితం నిర్మాత అనిల్ సుంకర కూడా ట్వీట్ పెట్టి, ఈ సినిమాకి చేసిన పెద్ద తప్పు పూర్తి స్క్రిప్ట్ తో వెళ్లకపోవటమే అని అన్నాడు. ఇప్పుడు అఖిల్ దర్శకుడు పేరు మిస్ చేసాడు. అసలు జరుగుతోందబ్బా అని అందరూ అనుకుంటున్నారు.

ఈ సారి పాపం అక్కినేని కుటుంబం నుండి ఎవరికీ హిట్ సినిమా పడలేదు. నాగచైతన్య (Naga Chaitanya) నటించిన 'కస్టడీ' (Custody) డిజాస్టర్ అయింది, అంతకు ముందు నాగార్జున (NagarjunaAkkineni) నటించిన 'ఘోస్ట్' (Ghost) కూడా ఘోర పరాజయం పొందింది.