Agent: అఖిల్ అక్కినేనికి మహేష్ తో సహా పరిశ్రమలో అందరూ ప్రసంశలు !

అఖిల్ అక్కినేని (Akhil Akkineni) 'ఏజెంట్' #Agent అనే సినిమాతో ఏప్రిల్ 28 న ప్రేక్షకుల ముందుకు వస్తున్నాడు. ఈ సినిమాకి అఖిల్ ఎంత కష్టపడ్డాడు అనేది అతని మాటల్లోనే తెలిసిపోతోంది. సినిమా షూటింగ్ వివిధ కారణాల వాళ్ళ డిలే అయినా కూడా అదే బాడీ ఫిజిక్ ని మెన్ టైన్ చేస్తూ, అలాగే ఆహార నియమాలు పాటిస్తూ అఖిల్ చాలా సహనంగా ఈ సినిమా విడుదల కోసం వేచి చూస్తున్నాడు. హిందీలో విడుదల చెయ్యకూడదు అని చివరి నిముషంలో తీసుకున్న నిర్ణయం కూడా చాలా స్పోర్టివ్ గా తీసుకొని ముందుకు వెళుతున్నాడు.

అలాగే కొన్ని రోజుల క్రితం విజయవాడ లో జరిగిన ఈ సినిమా ప్రచార ఈవెంట్ లో అఖిల్ చాలా ఎత్తయిన మల్టీప్లెక్స్ పైనుండి కిందకి దూకి ట్రైలర్ గురించి చెప్పాడు. అంటే అఖిల్ ఈ సినిమా విడుదలకి ముందు ప్రేక్షకులని సినిమా థియేటర్స్ కి రప్పించడానికి, సినిమాని ముందుకు తీసుకెళ్లడానికి తనవంతు కృషి చేస్తున్నాడు. దీనికి సురేందర్ రెడ్డి (Surender Reddy) దర్శకుడు అయితే, అనిల్ సుంకర (Anil Sunkara) నిర్మాత. ఇప్పుడు పరిశ్రమలోని చాలామంది మహేష్ బాబు (Mahesh Babu) తో సహా ఇతర నటులు అందరూ ఈ ట్రైలర్ చూసి అఖిల్ ని ప్రశంసిస్తున్నారు.

సూపర్ స్టార్ మహేష్ బాబు ట్రైలర్ చూసి అఖిల్ ట్రాన్సఫార్మేషన్ చాల బాగుంది అని చెపుతున్నాడు. అలాగే అనిల్ సుంకర ని కూడా ప్రశంశలతో ముంచెత్తాడు. చాలామంది యువనటులు అడివి శేష్ (Adivi Sesh), సాయి ధరమ్ తేజ్ (Sai Dharam Tej) లాంటి వాళ్ళు ట్వీట్ చెయ్యగా, చాలామంది పరిశ్రమలోని వాళ్ళు అఖిల్ ని ప్రశంసిస్తున్నారు.

గత కొన్ని రోజులనుండి అఖిల్ 'ఏజెంట్' సినిమా ప్రచారం లోనే పాల్గొంటున్నాడు. ఆంధ్ర ప్రదేశ్ లోని పట్టణాలు తిరుగుతూ, ఈ వారం ఇక్కడ తెలంగాణలోని పట్టణాలు కూడా చుట్టేస్తాడని అంటున్నారు. #AgentOnApril28 ప్రీ-రిలీజ్ వేడుక కూడా వరంగల్ లో ఉంటుందని అంటున్నారు. ఒక పెద్ద స్టార్ ఈ వేడుకకు ముఖ్య అతిధి గా వస్తాడని కూడా చెపుతున్నారు. ఈ సినిమాలో సాక్షి వైద్య (Saakshi Vaidya) కథానాయకురాలు కాగా, మమ్మూట్టి (Mammootty), డినో మోరీ (Dino Morea) లు ప్రధాన పాత్రల్లో కనపడతారు.