Sreeleela: బోయపాటిరాపో సెట్స్‌లోకి..

దర్శకుడు బోయపాటి శ్రీను (Boyapati Srinu) ప్రస్తుతం ఉస్తాద్ రామ్ పోతినేని (Ram Pothineni) కథానాయకుడిగా మాస్ యాక్షన్ ఎంటర్‌టైనర్ చిత్రాన్ని తెరకెక్కిస్తున్నారు. రామ్ గత చిత్రం సరైన విజయాన్ని అందుకోకపోవడంతో.. ఈ సినిమా ఆయనకి చాలా ఇంపార్టెంట్. అందుకే.. అన్ని కమర్షియల్ ఎలిమెంట్స్‌తో కూడిన ఈ యాక్షన్ ఎంటర్‌టైనర్‌పై ఉన్న అంచనాలను అందుకునేలా బోయపాటి చాలా జాగ్రత్తలు తీసుకుంటున్నారు. హీరో రామ్‌కి జోడిగా ఈ సినిమాలో టాలీవుడ్ మోస్ట్ హ్యాపెనింగ్ హీరోయిన్ శ్రీలీల (Sreeleela) నటిస్తోంది. అత్యున్నత నిర్మాణ ప్రమాణాలతో భారీ స్థాయిలో తెరకెక్కుతోన్న ఈ చిత్ర షూటింగ్‌లో.. గురువారం హీరోయిన్ శ్రీలీల జాయిన్ అయినట్లుగా మేకర్స్ అధికారికంగా తెలియజేశారు.

ప్రస్తుతం రామ్, శ్రీలీలకి సంబంధించిన సన్నివేశాలను దర్శకుడు బోయపాటి చిత్రీకరిస్తున్నారు. హైదరాబాద్‌లో షూటింగ్ జరుగుతోంది. ప్రముఖ నటీనటులు ముఖ్య పాత్రల్లో నటిస్తున్న ఈ చిత్రానికి అత్యున్నత సాంకేతిక నిపుణులు పని చేస్తున్నారు. శ్రీనివాస సిల్వర్ స్క్రీన్ (Srinivasaa Silver Screen) బ్యానర్‌పై శ్రీనివాస చిట్టూరి (Srinivasaa Chitturi) నిర్మిస్తున్న ఈ చిత్రాన్ని పవన్ కుమార్ సమర్పిస్తున్నారు. ఎస్ ఎస్ థమన్ సంగీతం సమకూరుస్తున్నారు. #బోయపాటిరాపో‌గా తెరకెక్కుతోన్న ఈ చిత్రం హిందీ, అన్ని సౌత్ ఇండియన్ భాషలలో విడుదల కానుంది. (BoyapatiRAPO Film Update)